"Ноёд" группийн Ерөнхийлөгч Г.Буяндоржийн гэр бүл Хонгилын прокуроруудын талаар мэдээлэл хийж, суулт зарлаж буйгаа мэдэгдсэн. Энэ үеэр "Ноёд" группийн Ерөнхийлөгч Г.Буяндорж эхнэр МУГЖ Т.Ариунаа амь насаараа дэнчин тавьж байгаа учир Монголын төрөөс хамгаалтад авахыг хүссэн юм. 

Тэрбээр "Өнгөрсөн 10 жилд манай гэр бүл хонгилын прокуроруудын хэлмэгдүүлэлтэд өртөж байна. Энэ ялзрал, гүтгэлэг өнөөдөр газар авчээ. Төрийн нэрийн дор халхавч хийдэг хулгайч, авлигач нараасаа хэзээ салах юм бэ. Эдгээрээс салж чадаагүй байхад бид Монгол Улсын ирээдүйн хөгжлийн төлөө дуугараад ч нэмэр байхгүй. 

Тэд жирийн нэгэн иргэн, хувиараа хөдөлмөр эрхэлдэг хүмүүсийг нугачин дарж, айл гэрийн тусгаар тогтнолыг үгүй хийж, амьдралыг нь хулгай хийж байна. Мөн хонгилын прокурорууд шавь нараа бэлдэж, гэмт хэргийн бүлэглэлийг бэлтгэсээр байгааг таслан зогсоохын тулд бид өнөөдөр амь насаараа дэнчин тавьж байж энэ бүхний эсрэг тэмцэж байна. Монголын төр биднийг хамгаалтад авахыг хүсэж байна" гэлээ. 

Б.Баатар