Ноёд" группын захирал Г.Буяндорж болон МУГЖ Т.Ариунаа нарын суултыг цуцлах захирамжийг Нийслэлийн Чингэлтэй дүүргийн засаг даргын орлогч Х.Алтаншагай гаргаж, тэд суултаа зогсоосон.

Энэ үеэр "Ноёд" группын захирал Г.Буяндорж "Төр засгийнхаа хуулийг дагаж мөрдөх нь бидний үүрэг. Нойр хоолгүй ажиллаж байгаа цагдаагийн байгууллагын ажилчдаа хүндэлж байна. Биднийг дэмжиж 2500 гаруй хүн гарын үсэг зурсан. Цаашид цахимаар гарын үсэг цуглуулах ажил үргэлжилнэ. Заавал албадан шаардлагаар зогсоож байснаас өөрсдөө суултаа зогсоосон нь зөв шийдвэр юм. Хэрвээ бидний шаардлагыг хүлээж авахгүй бол суулт хийх албан ёсны зөвшөөрлөө авмагцаа үргэлжлүүлнэ" гэсэн юм. 

МУГЖ Т.Ариунаа "Монголын ард түмэн маань 2 өдрийн турш бидэнд урам өгч, хайраар тэтгэлээ. Урлаг соёлынхон маань ч гэсэн бидэнтэй дуу хоолойгоо нэгтгэж урам хайрласан. Цагдаагийн байгууллагын алба хаагчид ч нойр хоолгүй ажиллаж байгаа. Тэдний шаардлагыг бид 30 минутын дотор хүлээж авч суултаа цуцалж байна. Хүндэтгэж байна, эдгээр алба хаагчдыг хүйтэнд зовоож, шаардлагыг хүлээж авахгүй байж болохгүй. Манай нөхөр ч энэхүү захирамжийг хүлээж авч, цуцлах шийдвэр гаргасан. Айл гэрийн тэргүүнийхээ шийдвэрийг би дагана. Албадан хүчээр биднийг зогсоовол ард түмэн босож үймээн самуун дэгдээхээс эмээж байна. 48 цагийн хугацаанд хамтдаа байсан ард түмэндээ баярлалаа" гэлээ.

Б.Баатар