УИХ дахь АН бүлгийн хурлаар Засгийн газрын 100 хоногийн үр дүнг хэлэлцжээ.

С.Одонтуяа “Өнөөдөр шинэ Засгийн газар бүрэлдээд 100 дахь хоногоо угтаж байна. Өмнөх Засгийн газрууд 100 хоногийн дотор маш олон ажил амжуулдаг байсан. Тэгвэл өнөөдөр энэ Засгийн газар 100 дахь хоногоо эмгэнэлтэй мэдээллээр эхлүүлж байна.

Тодруулбал, өнөөдөр улсын хэмжээнд 170 хүн барж, 45459 хүн халдвар авсан байна.

10 мянган хүнд оногдох шинэ халдварынхаа тоогоор Монгол Улс дэлхийд тэргүүлж байна. Энэ нь улс орныг ноцтой байдалд оруулж байна. АН нас барсан иргэдийн ар гэр, үр хүүхдүүдэд албан ёсоор эмгэнэл илэрхийлж байна.

Олон зуун сая хүн амтай улсад нөхцөл байдал амаргүй байгаа. Гэтэл манай улс шиг цөөн хүн амтай жижиг улсын хувьд аль хэдийн хяналтдаа авч, хэвийн амьдралдаа орчихсон байх ёстой. Энэ бол Засгийн газар, УОК-ын хариуцлагагүй үйлдлүүд юм.

Өнгөрсөн хугацаанд маш олон алдаанууд гаргасан. Эдгээрийг хараад байхаар дан санаатай үйлдлүүд байна. Нөхцөл байдал яагаа ч үгүй байхад хөл хорио тогтоож, сургууль цэрэглэг, ААН-үүдээ хааж иргэдэд айдас түрүүлж бүх сонгуулиудад өөрсдөө ялсан.

Орон нутаг, УИХ-ын сонгуульд ялсан. Одоо Ерөнхийлөгчийн сонгуульд ялахын тулд УОК өөрсдөдөө ашигтай шийдвэр гаргаж байна. Эндээс ААН-үүд, иргэд хохирч байна.

Ерөнхий сайд хоёр долоо хоногт нэг удаа УИХ дээр ирж мэдээлэл хийх ёстой. Гэтэл ковидын асуудлаар ирж мэдээлэл хийгээч гэж уриад байхад хүртэл ирсэнгүй. Томилогдсоноосоо хойш нэг ч удаа чуулганы хуралдаан дээр иж мэдээлэл хийсэнгүй. Засгийн газар иргэдээ доромжилж, парламентын гишүүддээ хайхрамжгүй хандаж байна.

АН-ын бүлэг ковид-ын үеэр зарцуулсан олон их наяд төгрөгт Аудит оруулж, шалгалт хийж эхэлсэн. Энэ талаар удахгүй мэдээлнэ” гэлээ.

А.Сүх