Өнгөрсөн баасан гарагт төр, нийгмийн зүтгэлтэн С.Зориг агсны хөшөөнд хүндэтгэл үзүүлж, цэцэг өргөсөн. Энэ өдрөөс хойш С.Зориг агсны амь насыг хөнөөсөн асуудал зарим улстөрчдийн “топ” сэдэв болов.

Одоогоос таван сар орчмын өмнө Улсын Дээд шүүхийн шийдвэрээр Т.Чимгээ, Б.Содномдаржаа нарыг нарт хувийн баталгаа гаргах таслан сэргийлэх арга хэмжээ авахаар шийдвэрлэсэн. Өөрөөр хэлбэл, тэдэнд холбогдох хэргийг прокурорт буцааж дахин шалгуулахаар болсон юм. Харин энэ талаар Хууль зүй, дотоод хэргийн сайд нь андуу ташаа олон түмэнд мэдээлж сууна.

Тэрбээр УИХ-ын гишүүн Б.Энхбаярын цахим сүлжээнд бичсэн байр суурийн хариу болгож “Шүүхээс гэм буруугүйд тооцогдсон хүмүүсийг алуурчин гэж зарлах нь УИХ-ын гишүүний бүрэн эрхэд байхгүй” хэмээсэн нь мэдлэггүйгээ олонд гайхуулсан үйлдэл боллоо.

Улсын Дээд шүүхээс дээрх хэргийг нэмэлт мөрдөн байцаалтад буцааж, сэжигтнээр татагдан цагдан хоригдож байсан этгээдүүдийг батлан даалтаар сулласныг гэм буруугүй гэсэн шийдвэр гаргасан гээд ойлгочихож. Бүхэл бүтэн улсын хуулийн салбарыг тэргүүлж байгаа хүн шүү дээ.

Ташрамд, сайдыг буруу ойлголттой байгаа талаар мөн зарим нөлөө бүхий улстөрч ч тайлбарлаад өгсөн байна лээ.

А.Сүх