Засгийн газрын хуралдаанаас гарсан шийдвэрийн талаар ЗГХЭГ-ын дарга Ц.Нямдорж мэдээлэл өгч байна.

Тэрбээр “Дэлхий дахинд байдал сайнгүй байна. Өнгөрсөн дөрөвдүгээр сараас хойш ОХУ гадагш бензин гаргахгүй гэдгээ мэдэгдсэн. Үүний цаанаа тодорхой асуудал бий. Сонгуулийн үеийг далимдуулж улс төр хийх, зохиомол хомсдол үүсгэсэн.

Өнөөдөр нэг компани буруу юм хийлээ гээд мэдэгдэл хийлээ.

Цаашид ажил сайжруулах арга хэмжээг авна. Нөхцөл байдлыг хэвийн болгох бололцоо байна. 1990 оноос хойш би улс төрд ажиллаж байна. Ийм олон зүйл хавсарсан хямрал гарч байгаагүй. Хил хаагдах, өвчин дэлхий дахин тархах, хүн төрөлхтний үзээгүй хямралыг ковид бий болгочихлоо. Тиймээс ажил хийж байгаа хүмүүс самгардах явдал гарах юм. Гэхдээ хэвийн болгох талаар ажиллаж байна.

Шахмал түлштэй холбоотойгоор хариуцлага жичтэй яригдана. Цаг хугацааны хүчин зүйлийг тооцоогүй зүйл гарч байна. Хамгийн хүндрэлтэй асуудал нь гадна талд ийм болж байага нөхцөл байдал юм. Мөн Англи улсад манайх шиг бензиний хомсдол бий болж цэргийнхэн хөдөлж байна. Харин хойд айл хязгаарлалт хийж байгаагаас хүндрэл нь манайд бий болж байна" гэлээ. 

А.Сүх