Засгийн газраас "Халамжаас хөдөлмөр рүү" уриалга гаран ажиллаж буй. Энэ хүрэээнд энэ онд хэд хэдэн аймгийн сумд хүнсний талонаас хөдөлмөр эрхлэлт рүү зуучлагдсан сайхан мэдээтэй байгаа талаар ХНХ-ын сайд А.Ариунзаяа цахим хуудастаа онцолжээ.
Тэрбээр "2019 оны нэгдүгээр сард Говь-Алтай аймгийн Алтай сум Хүнсний талонгүй сум болов. 2020 оны нэгдүгээр сард Сэлэнгэ аймгийн Бугант сум, 2020 оны аравдугаар сард Говь-Алтай аймгийн Баянтоорой тосгон, 2021 оны гуравдугаар сард Дорноговь аймгийн Сайхандулаан, долоодугаар сард Хэнтий аймгийн Баян-Овоо, Өмнөговь аймгийн Хүрмэн, наймдугаар сард Дорноговь аймгийн Алтанширээ, аравдугаар сард Дархан-Уул аймгийн 11, 12, 16-р баг, Улаанбаатар Баянгол дүүргийн 2-р хороонд хүнсний талон авдаг өрх байхгүй болж хөдөлмөрт эрхлэлтэд зуучлагдав.
2021 оны долоодугаар сард 449 өрх, наймдугаар сард 1435 өрх, есдүгээр сард 1561 өрх, аравдугаар сард 2321 өрх нийт 5766 өрх Хүнсний талон авахаа больсон байна.
Ургац хураалтад бид оролцов. Зорилтот бүлгийн залуучуудыг хөдөлмөр эрхлэлтэд бэлтгэх ОРОЛЦОО төсөл маань амжилттай үргэлжилж байна. Маргааш 3 дахь удаагийн ээлж эхэлнэ. Олон олон залуус ажлын байранд зуучлагдахад бэлэн.
2022 онд Хөдөлмөр эрхлэлтийг дэмжих сангийн үйл ажиллагаа илүү тэлнэ. Байгаа хөтөлбөрүүд дээр “Эмэгтэйчүүдийн хөдөлмөр эрхлэлтийг дэмжих” хөтөлбөр нэмэгдэнэ. Өрх дээр суурилсан “Төгсөлтийн аргачлал”-аар урт хугацааны туршилт хөтөлбөрийн төсөл эхэлж байна" гэжээ.
Сэтгэгдэл (2)