УИХ дахь Хууль зүйн байнгын хорооны хуралдаанаар УИХ-ын гишүүн Б.Энхбаяр нарын өргөн мэдүүлсэн Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслийг хэлэлцэж байна. хуулийн төслийн үзэл баримтлалтай холбогдуулан гишүүд асуулт асуулаа.

Н.Учрал: Хуулийн төслийг дэмжиж байгаа. Гэхдээ 2017 онд хуулийн нэмэлт, өөрчлөлтийн ажлын хэсэгт ажиллаж байсан. Олон онол практикийн онолын үндэслэл яриад прокурорын байгууллага хариуцлагагүй ажиллаж байгаа талаар яриад тухайн үеийн хуулд хэргийг буцаахгүй байхаар зохицуулсан. Гэвч Үндсэн хуулийн цэцээс хүний эрхийг зөрчсөн зэрэг асуудал тавьсан.

Шүүхээс юу ярьж байна гэхээр нотлох баримтаа бүрэн дүүрэн үнэлээгүй хэргийг шүүх рүү шиддэг, шүүх дээр хайнаа хагалдаг, буцаах гэхээр болдоггүй ийм нөхцөл байдал үүсчихлээ гэж хэлж байгаа. Тэгэхээр нэг талыг харахгүй бол зөвхөн нөгөө талын асуудлыг яриад байж болохгүй. Хангалттай бүрдээгүй хэрэг дээр шүүхийн шийдвэр гарчихдаг. Тиймээс давж заалдах, хяналтын шатны шүүхээс буцаахгүй байх нь зөв гэж үзэж байна.

Харин анхан шатны шүүхээс хэргийг буцаадаг байх ёстой.

Уг асуудалд 30 хоногийн хугацаа тавиад шийдэж байя гэж байгаа юм байна. Гэхдээ энэ хугацаа хангалтгүй.

Б.Энхбаяр: Манай улс шүүхээс буцаахгүй бол нотол, чадахгүй бол цагаатга гэж нутагшуулж ирсэн. Энэ бол шинэ зүйл биш.

Шүх эрүүгийн хэргийн шүүх хуралдааныг хоёр хуваасан. Эрүүгийн хууль бол 2015 оны хууль. 2017 онд нэмэлт, өөрчлөлт орсон. Анхан шатны шүүхээс буцаах дээр ярилцаж болох байх. Ер нь бол шүүхийн үе шатыг хоёр хувааж байгаа. Ингэхдээ урьдчилсан шатанд алдаа гаргасан зэргийг хянана.

Б.Лхам