УИХ-ын чуулганы пүрэв гарагийн нэгдсэн хуралдаанаар Монгол Улс, Азийн дэд бүтцийн хөрөнгө оруулалтын банк хоорондын зээлийн хэлэлцээр /КОВИД-19-ийн эсрэг вакцинжуулалтын арга хэмжээ/ -ийн төслийг соёрхон батлах тухай хуулийн төслийг хэлэлцэж байна.
Б.Пүрэвдорж: Эрүүл мэгдээ хамгаалъя гээд 5.1 их наяд төгрөг зарцуулсан. УИХ, Засгийн газраас цар тахалтай тэмцэх талаар хөрөнгө гаргаад зүтгээд байдаг. Дунд шатандаа хариуцлага алдаад бана уу гэж харагдаад байгаа.
Зарим худалдан авалтуудад чанар муутай оношлуур нийлүүлсэн гэдэг мэдээлэл бий. Энэ хүрээнд дотоодод халдварыг алдсан гэдэг зүйлийг ЭМЯ-ны зарим ажилтнууд хэлж байгаа.
Өнөөдөр нүүрсний ханш дээд хэмжээнд хүрээд байгаа. Энэ үед нүүрсээ сайн гаргах ёстой ч зарим хүмүүс нь шинжилгээгээ худлаа гаргадаг юм уу эсвэл чанаргүй оношлуурын хүрээнд цааш гараад өвчтэй гарчихдаг юм уу. Үүний улмаас экспорт бага хэмжээгээр зарим үед гарах нь зогсдог. Төсөвт орох ёстой мөнгө тасалдаад байгаа шалтгаан нь эрүүл мэндийн байгууллагын үйл ажилагаатай холбоотой байна. Өнөөдөр Замын-Үүдийн боомт гацчихлаа.
Бээжин өвлийн олимп зохион байгуулна гээд маш хатуу хяналттай байгаа.
Тиймээс Монголын төлөө сэтгэл зүрхтэй эмч нарыг илүү хариуцлагатай, хамгийн өндөр цалинтай ажиллуулвал яасан юм. Үүний төлөө ажиллаач. Хилийн худалдаанд хохирол учруулж байгаа хүмүүс нь эрүүл мэндийн яамны зарим нэг ажилчид. Энэ чнь маш их хохирол бий болгож байна. УИХ-аас бол мөнгө хангалттай өгч байгаа шүү.
С.Энхболд: Эрүүл мэндийн яам олон улсын стандарт шаардлага хангасан оношлуур оруулж ирдэг. БнСУ, БНХАУ, Герман зэрэг улсын ПСР оношлуурыг оржулж ирж байгаа. Стратегийн ач холбогдол бүхий боомтуудад нэмэлт шинжилгээний цэг гаргаж ажиллуулж байна. Хамгийн гол нь өвчний нууц үе, мөн өөрийнхөө оронд өөр хүн шинжилгээнд оруулсан зэрэг асуудал гарсныг цагдаагийн байгууллага шалгаж байгаа.
Түргэвчилсэн тестийг Эм, эмнэлгийн эрэгслийн хяналтын газар шаардлага хангасан найман оношлуурыг оруулж ирнэ гээд шийдвэр гаргасан байгаа. Энэ хүрээнд найман түргэвчилсэн оношлуураар оношилгоо хийж байна. Энэ нь чанарын үнэлгээгээр баталгаажсан гэсэн үг.
Б.Лхам
