УИХ-ын нэр бүхий 20 гишүүн хамтран Жолоочийн даатгалын тухай хуулийн шинэчилсэн найруулгын төслийг өргөн барьжээ. Хуулийн төслийн талаар зарим гишүүд мэдээлэл өглөө. УИХ-ын дэд дарга Т.Аюурсайхан "Монгол Улсад 1 сая гаруй иргэн даатгалтай байна. Энэ бол албан журмын даатгал юм. Ашгийн төлөө аж ахуй эрхлэгч энэ даатгалыг эрхэлж байгаа. Ашгийн төлөө байдаг учраас үнэлнээг хамгийг багаар тооцдог. Мөн нөхөн төлбөр олгохгүй байх, үндэслэлгүйгээр татгалзах явдал олон гардаг. Үүгээр зогсохгүй цагдаа дуудах болдог.

Улмаар зөрчлийн оноо хасуулахгүйн тулд нөхөн төлбөрөө авахгүйгээр иргэд өөсрдөө хохирч үлддэг. Энэ нөхцөл байдлыг засахаар хуулийн шинэчлэлд орууллаа. Автомашины хохирлыг бодитой үнэлдэг болно. Хоёрт, газар дээр нь засвар дээр очиж хохирлоо нөхөн төлүүлнэ. Гуравт, заавал цагдаа дуудах шаардлагагүй, дөрөвт, давхар даатгал төлөх шаардлагагүй болно.

Тухайн автомашины эзэн нь даатгалтай бол унаж байга бүх хүн даатгалтай гэж ойлгож болно. Үүний зэрэгцээ санд хуримтлагдсан мөнгийг жолооч нарын өөрсдийнх нь төлөө зарцуулдаг болох зохицуулалт хийсэн. Түүнээс биш хэн нэгэнд ашиг болж үлдэх ёсгүй. Үүнийг ашгийн төлөө байгууллага эрхлэх боломжгүй учраас ашгийн бус нийиийн эрх зүйн хуулийн этгээд эрхлэхээр тусгасан" гэлээ.

Б.Лхам