Энэ долоо хоногт Хүнс, хөдөө аж ахуй, хөнгөн үйлдвэрийн яамны сайд З.Мэндсайхан: Цагаан будаа тарих технологийг нутагшуулж, 10 тонн цагаан будааг Баянхонгор аймагт тариалсанг мэдээлээ. УИХ дахь МАН, АН-ын бүлэг жолоочийн хариуцагчийн даатгалыг тухай хуулийг дэмжихгүйгээ мэдэгдлээ. МАН-ын бүлгийн дарга Д.Тогтохсүрэн УИХ-ын гишүүн С.Ганбаатарын уучлал гуйхыг шаардаж гуйхгүй бол Үндсэн хуулийн цэц болон шүүхэд хандахаа мэдэгдэв. Ардын хувсгалын 98, 99 жилийн ойн баяр наадамд шөвгөрсөн зарим бөхийн допингийн асуудлаас үүдэж, есөн бөх улсын цол ахихаар болж байгаа бол дөрвөн бөх чимэг нэмэв. Эдгээр мэдээллийг "Багц 24" буландаа онцолж байна.
З.Мэндсайхан: Цагаан будаа тарих технологийг нутагшуулж, тариа эрхлэлтийг нэмэгдүүлэх боломж бүрдлээ
Хувийн хэвшлийн аж ахуй нэг Баянхонгор аймагт анх удаа цагаан будаа тарилаа. Хоёр га талбайд тариалахад 10 тонныг хураан авсан байна. Цагаан будаа тарих технологийг нутагшуулж, цагаан будаа, үр тариа эрхлэлтийг нэмэгдүүлэх, энэ чиглэлийн тариалалтыг бий болгох боломж бүрдсэн юм” хэмээн хэлэв.
Д.Тогтохсүрэн: С.Ганбаатар гишүүн МАН-ын бүлгээс уучлал гуй. Уучлал гуйж чадахгүй бол Үндсэн хуулийн цэц болон шүүхэд өгнө
УИХ-ын гишүүн, МАН-ын бүлгийн дарга Д.Тогтохсүрэн “С.Ганбаатар гишүүн эхлээд МАН-ын бүлэг болон 62 гишүүнээс уучлал гуйгаарай. 62 хүнийг доромжилж болохгүй шүү. Авлига авсныг нь нотлоорой. Хэрэв нотолж, уучлал гуйж чадахгүй бол МАН-ын бүлэг таныг Үндсэн хуулийн цэц, болон шүүхэд өгнө гэдгээ мэдэгдэж байна” гэлээ.
МАН-ын бүлэг Жолоочийн хариуцлагын даатгалын тухай хуулийг дэмжихгүй гэв
Жолоочийн хариуцлагын даатгалын тухай хуулийн шинэчилсэн найруулын төслийг дэмжихгүй гэв. Нэгэнт энэ хууль батлагдаад 10 гаруй жил болж байна. Тодорхой хэмжээнд нийгэмд үр дүнгээ өгч байна. Тиймээс хувийн хэвшлийн ажлыг төрд авах хэлбэрээр асуудалд хандаж болохгүй гэж үзсэн учраас энэ хуулийн төслийг дэмжихгүй" гэсэн юм.
Д.Ганбат: Албан ёсоор хоёр, албан бусаар найман их наяд төгрөг койнд орсон байна
УИХ дахь Ардчилсан намын бүлгээс мэдээлэл хийлээ. Энэ үеэр УИХ-ын гишүүн Д.Ганбат АН-ын Бүлгээс гарсан шийдвэрийг танилцууллаа. Тэрбээр “АН-ын бүлэг хоёр асуудлын талаар хэлэлцлээ. Жолоочийн даатгалын тухай шинэчилсэн найруулгын хуулийн төсөл, Жагсаал цуглаан хийх журмын тухай хуулийн нэмэлт өөрчлөлтийн төслийн талаар Хүний эрхийн талаарх сонсгол явуулах талаар ярилцлаа.
Төрийн ордонд есөн бөхөд улсын цол олгож, дөрвөн бөхөд чимэг олгох ёслол болно
Баяр наадмын бөхийн барилдаанд ес давсан Н.Батсуурьт даян аварга, М.Бадарч гарьд, Д.Анар, Ц.Одбаяр заан, Б.Цэдэнсодном, Б.Орхонбаяр, Ш.Пүрэвгарьд, Ц.Мөнхбаярт харцага, Ц.Сандагдоржид улсын начин цол олгох болох юм. Мөн улсын арслан Ц.Содномдорж, улсын начин Н.Мустафа, Б.Суманчулуун, Б.Эрдэнэхүү нарт чимэг олгох юм байна.
Б.Жаргал
