Засгийн газрын хуралдааны шийдвэрийг танилцуулж байна. Энэ үеэр Эрчим хүчний сайд Н.Тавинбэх мэдээлэл өглөө. Тэрбээр "Өнгөрсөн хугацаанд холбогдох бэлтгэл ажлыг хангасны үр дүнд "Шинэ сэргэлтийн бодлого"-д тусгагдсан томоохон төсөл хөтөлбөрийн барилга угсралтын ажил эхэлж байна. Арван аймгийн дулааны цахилгаан станцын барилга угсралтын ажлыг 7 аймагт эхлүүлсэн. Сэргээгдэх эрчим хүчний дунд, бага чадлын таван эх үүсвэрийг баруун бүсэд барьж ашиглалтад оруулахаар тусгагдсан байсныг эхлүүлээд байна. Энэ долоо хоногт Амгалангийн дулааны цахилгааны станцын өргөтгөлийн төслийг эхлүүлнэ. Маргааш нээлтээ хийхээр төлөвлөсөн. Улаанбаатар хотын Сонгино гэдэг 220квт-ын дэд станц бий. Энэ дэд станцыг түшиглээд 220мвт цагийн баг,багтаамжтай баттерей цэнэгт хураагуурыг барих ёстой. Энэ  ажлыг зургаан сардаа багтаагаад хийж эхэлнэ. Бэлтгэл ажил хангагдсан. Бөөрөлжүүтийн ДС-ыг хувийн хэвшилтэй хамтран ашиглалтад оруулна. Энэ онд багтаад 300 мегаваттын  хүчин чадал бүхий станцын барилгын ажил эхэлнэ.

Багануурын уурхай “Эрдэнэс Монгол” компанийн харьяанд байдаг. Гүйцэтгэх захирлыг хуулийн байгууллага шалгаж байгаа тул түр орлон гүйцэтгэгч захирал томилон ажиллуулж байна.  IV ДЦС-ын хүчин чадлыг мөн нэмнэ. Ер нь цаашдаа цахилгаан дулааны үнийг өртөгт нийцүүлэх шаардлагатай. Энэ тохиолдолд манай салбарын төслүүд гаднаас зээл авах бүрэн боломж бий. Цахилгаан дулааны эрэлт жилээс жилд өссөөр байна” гэв.

Д.Батчулуун