УБТЗ-ын Тээвэр зохицуулалтын албаны орлогч дарга С.Батдөлийг цагдан хорих эсэхийг Баянгол дүүргийн шүүхэд хэлэлцэж, нэг сар цагдан хорих шийдвэр гаргалаа. Түүнийг өнгөрсөн амралтын өдрүүдэд шүхээс сулласан гэх мэдээлэл олон нийтийн сүлжээгээр тархаад байсан юм. Энэ талаарх тодруулга мэдээллийг хүргэж байна. 

-Шүүхийн шийдвэрээр цагдан хорьсон гэж ойлгож болох уу?

-Яллагдагч С.Батдөлийг цагдан хорих, таслан сэргийлэх санал тав дах өдөр буюу нэгдүгээр сарын 6 өдөр шүүхэд ирсэн. Ингээд тухайн өдрийн шүүх хуралдаанд  С.Батдөл өөрийн биеээр ирж оролцсон. Шүүх хурлын прокурорын саналд хойшлуулшгүй буюу 48 цагийн хугацаагаар баривчилсан тухай баримт байгаагүй. Өнөөдрийн шүүх хуралдаанаар  С.Батдөлийг  нэг сарын хугацаагаар цагдан хорих, таслан сэргийлэх арга хэмжээ авч шийдвэрлэсэн.

-Шүүгч С.Батдөлийг сулласан гэх мэдээлэл тарсан нь шүүгчийн халдашгүй байдалд нөлөөлж байгаа юу? 

-Халдашгүй байдалд онц нөлөөлж байна.

Учир нь мэдээлэл анхнаасаа буруу тараагдаж олон нийтийг талцуулж, шүүхийн, шүүгчийн нэр хүндэд халдсан байдлаар явагдсан. Тиймээс мэдээ мэдээллийг эх сурвалжаас авах хэрэгтэй. 

Шүүх 48 цагийн хугацаагаар таслан сэргийлэх арга хэмжээ авагдсан этгээдийг хорилгүйгээр гадуур гаргалаа гэх мэдээлэл нь буруу ташаа юм.  С.Батдөл гадуур байцалтанд орж байгаад шүүхийн хэлэлцүүлэгт орсон.

-Нэгдүгээр сарын 6-нд ажлын цаг дууссан учир шүүх хурлыг өнөөдөр хийсэн үү?

-Тийм биш. Тав дахь өдөр 17 цаг 10 минутын үед прокуророос саналаа ирүүлсэн. Ингээд шүүхийн хэлэлцүүлэг эхэлсэн. Энэ хэлэлцүүлэгт яллагдагч С.Батдөл өөрөө биечлэн оролцсон төдийгүй шүүх хуралдаанд өмгөөлөгчтэйгөө оролцоно гэдэг хүсэлт гаргасан. Түүний өмгөөлөгч Төв аймгийн шүүхэд шүүх хуралдаантай байсан учир шүүх хуралдааныг хойшлуулах хүсэлт гаргасан. Үүнийг харгалзан үзэж шүүх хурлыг хойшлуулсан.

-Өнөөдөр шүүх хуралдаанд С.Батдөл өөрөө оролцсон уу?

-Тийм. Өөрийн биеэр оролцсон.

Б.Мичидмаа