Баярын өдрүүдэд хүн болгоны санааг зовоодог зүйл бол хооллолт. Цаг цагаар нэг цадах цаг ирж, айл хэсэж, алт мөнгө цуглуулах үеэрээ идсэн нийслэл салат, өөхтэй буузыг бяцхан ходоод тань таатай хүлээж авахгүй байх хэмээн санаа зовниж байвал энэ зөвлөгөө танд тусална.
Нимбэгтэй бүлээн ус уугаарай
Хоол шингэхгүй зовоох үед эмийн бус хамгийн үр дүнтэй арга бол нимбэгтэй бүлээн ус уух юм. Нимбэгэнд агуулагддаг хүчиллэг шүлт нь таны ходоодонд дахь бодисыг задлаж, хоол шингэцийг хурдасгана. Түүнчлэн өглөө болгон буцалсан ус ууж хэвших нь ходоодны өвчлөлөөс сэргийлэх хамгийн үр дүнтэй, хялбар арга юм.
Жимс, жимсгэнэ ид
Бүх төрлийн жимсгэнэд агуулагдах услаг антиоксад нь ходоодны үйл ажиллагааг сайжруулах ид шидтэй байдаг тул их хэмжээний хоол идэхийн өмнө, эсвэл дараа бага зэргийн жимсээр даруулбал хоолны шингэц сайн байх болно.
Хольцгүй элгэн тараг
Ямар нэг үйлдвэрийн болоод ахуйн хольцгүй элгэн тараг нь ходоодны гүрвэлзэх хөдөлгөөнд сайнаар нөлөөлж, хоол боловсруулах явцыг түргэсгэдэг. Их хэмжээний хоол идсэний дараа гэдэс түгжирч, цатгалдах, дотор муухайрах мэдрэмж төрж эхэлвэл бага хэмжээний тараг уугаад хэсэг хугацаанд амраарай. Та тун удахгүй үйлчлэлийг нь мэдрэх болно.
Шинэхэн ногоо
Услаг ихтэй хүнсний нарийн ногоонууд хоолны шингэцэд ач холбогдол ихтэй. Буузаа нийслэл саладтай биш шинэ ногооны саладаар даруулж идэх нь таны ходоодны дараагийн айл руу орох, эрч хүчийг хадгалах болно. Нэн ялангуяа, улаан лооль, өргөст хэмх, хүрэн манжин зэрэгт гэдэсний гүрвэлзэх хөдөлгөөнийг сайжруулахад хэрэгтэй бүх төрлийн эрдэс бодис агуулагддаг аж.
Ходоодоо дүүртэл идэхгүй байхад тань туслая
Сар шинийн өдрүүдэд бид орсон гарсан зочид, гийчиндээ хамгийн өнгөтэй идээ будаагаар дайлдаг сайхан уламжлалтай ард түмэн билээ. Гэхдээ зарим үед бидний энэ уламжлал ходоодны өвчлөлийн гол шалтгаан болох үе бий.Тиймээс айл хэсэж явах үедээ ходоодоо хэт ядраахгүйн тулд та энэ хэдэн зарчмыг мөрдөөрэй.
Удаан ид
Хэдийгээр орох айл олон байсан ч өөрийгөө яруулж тэвдүүлэн халуун бууз идэж яасан ч болохгүй. Хоол шингэхгүй удах тохиолдлын 50 хувь нь боловсруулах явц удсанаас болдог. Хэрвээ та хоолоо сайн зажлахгүй бол түгжрэл үүсэх, гэдэс цэрдийх, цатгалдах мэдрэмж холдохгүй л гэсэн үг.
Тавган дээрээ ямар хоол тавихаа сайн бод
Өөрөө арай таван бууз, нийслэл салат, ууцны өөхтэй зүсэм, будаалга, хиаман закуска зэргийг нэг дор идэх гэж байгаа юм биш биз? Олон төрлийн хүнсний зүйл хольж идэх тусам ходоодонд хүрэх ачаалал нэмэгдэж, хангалттай эрдсээ аваагүйгээс болж гэдэс дүүрэх, хоол шингэхгүй зовоох асуудал гардаг аж.
Хийжүүлсэн ундаанаас аль болох татгалз
Энэ төрлийн ундаа нь нэрсээсээ л ойлгомжтой. Үйлдвэрийн аргаар хийжүүлсэн ундааг махан хоолны даруулга болгон сонгох нь ходоод дүүрэх зовуурыг өөрөө дуудсан хэрэг болно.
Эх сурвалж: shape.com
