ИНЕГ-ын дарга асан С.Мөнхнасан төсвийн мөнгийг үр ашиггүй зарцуулж, эрх мэдлээ урвуулан ашигласан гэх хэд хэдэн шалтгаанаар ажлаасаа чөлөөлөгдөөд буй. Одоо ИНЕГ-ын түр орлон гүйцэгчээр Ч.Мөнхтуяа ажиллаж байгаа юм.

Тэгвэл нисэхийн салбарын аюулгүй байдлыг хариуцдаг ИНЕГ-ын даргын сонгон шалгаруулалтыг ЗГХЭГ зарлажээ. ЗГХЭГ-ын зарласан шалгаруулалтын шалгуур нь Тэргүүн түшмэлийн мэргэшүүлэх багц сургалтад хамрагдаж төгссөн байх, Төрийн албанд 16-аас доошгүй жил, үүнээс эрхэлсэн түшмэлийн албан тушаалд 8-аас доошгүй жил ажилласан байх шаардлагыг тавьжээ.

Энэхүү шалгуур нь нисэхийн мэргэшсэн мэргэжлийн хүмүүс ИНЕГ-ын даргаар томилогдох боломжийг хааж байна.

Учир нь энэ шалгуурт заасан 8-аас доошгүй жил яаманд ажиллах, яамнаас захиалсан удирдлагын академийн сургалтад суусан байх боломж цусаар бичигдсэн дүрэмтэй иргэний нисэхийн салбарын мэрэжилтэнгүүдэд байхгүй. Өөрөөр хэлбэл, ЗГХЭГ Иргэний нисэхийн ерөнхий газрын даргыг аль хэдийн сонгосон бөгөөд түүнд тохируулан дээрх сонгон шалгаруулалтыг зарласан гэхэд хилсдэхгүй л болов уу.