Засгийн газрын хуралдаанаас гаргасан шийдвэрийг танилцуулж байна. Энэ үеэр Эрүүл мэндийн сайд С.Чинзориг мэдээлэл өглөө.

Тэрбээр "2022 оны тавдугаар сараас нийт иргэдийн дунд эрт илрүүлэг урьдчилсан сэргийлэх оношлогоо, шинжилгээг явуулсан. Нэг жилийн хугацаанд нийт иргэдийн 26 хувь буюу 860 мянган иргэн хамрагдсан байна. Нийт хамтрагдсан хүмүүсийн 64,8 хувь нь 0-17 насны хүүхэд, үлдсэн 30 орчим хувь нь 18-с дээш насны иргэд хамрагдсан байна. Насанд хүрэгчдийн дунд хоол боловсруулах, амьсгалын замын, зүрх судасны өвчин хамгийн өндөр өвлөлтэй хэмээн гарсан. Мөн шээс бэлгийн замын өвчин, бодисын солилцооны өвчлөлүүд зонхилох таван төрлийн өвчин болж байгаа. Эдгээр өвчлөлүүд нийт иргэдийн 86 орчим хувийг эзэлж байна гэх дүн гарсан. 

0-17 насны хүүхдийн 61,5 хувьд шүд цоорох өвчин илэрсэн нь хүүхдийн өвчлөлийн тэргүүлэх шалтгаан болж байна. Шүд цоорох өвчний тархалт 83 хувь байгаа нь өндөр үзүүлэлт юм. Энэ нь дэлхийн дунджаас хоёр дахин өндөр үзүүлэлт юм. 65-аас дээш насны иргэдийн дунд шүдний өвчлөл 90-ээс дээш хувьтай байна. Мөн жирэмсэн эхчүүдийн дунд шүдний өвчлөл маш өндөр байна. 

Цаашид урьдчилан сэргийлэх, эрт илрүүлэг оношлогоог явуулах, бүх иргэдийг хамруулах нь зүйтэй хэмээн үзэж байна. Мөн шүд цооролтын асуудалд онцгой анхаарал хандуулна. 

Улсын хэмжээнд 1,624 шүдний эмч ажиллаж байна. 10 мянган хүнд ногдох шүдний эмчийн тоогоор Монгол Улс дэлхийн дунджаас дээгүүр үзүүлэлттэй байгаа нь сайн хэрэг. Гэхдээ орон нутгийн иргэдэд шүдний тусламжийн үйлчилгээ байхгүй байна. Улсын хэмжээнд шүдний 680 эмнэлэг үйл ажиллагаа явуулж байгаа. Тухайн эмнэлгийн 127 нь төрийн өмчийн оролцоотой, 553 нь хувийн хэвшлийнх. Нийт хүн амын 50 хувь нь шүдний тусламж үйлчилгээ авч чадахгүй байна. 330 сумаас 30 сум нь шүдний эмчтэй" гэв. 

Д.Батчулуун