Хөгжлийн банкны хэргийн гэм буруугийн шүүх хурал 42 дахь өдрөө үргэлжилж байна. Энэ үеэр УИХ-ын гишүүн Н.Алтанхуягийн өмгөөлөгч прокурорын дүгнэлтэд дараах тайлбарыг өглөө. 

Тэрбээр "Н.Алтанхуяг гишүүнийг хоёр асуудлаар буруутгах гэж оролдож байгаа. Нэг нь 299 дүгээр тогтоол, нөгөө нь 256 дугаар тогтоол. Бүжинлхам прокурорын хувьд 299 дүгээр тогтоолыг үнэлэж, дүгнэж байгаа юм билээ. Бид эхний дүгнэлтэд мөрдөгч нотлох баримт цуглуулахдаа хугацаа хэтэрсэн, хууль зөрчсөн байна гэдгийг хэлсэн.

н.Бүжинлхам прокурор прокурорын ёс зүйг зөрчиж болохгүй. Мөрдөгч эрүүгийн хэрэг хянан шийдвэрлэх хуулийн 23 дугаар бүлэгт заасан үзлэгийг явуулаагүй.

Мөрдөгч зөвшөөрөл хүссэн, прокурор хуулийнхаа дагуу зөвшөөрөл олгосон. Хэрэв мөрдөгч хугацаандаа ажиллагаагаа хийж чадаагүй бол прокурорд урьдчилан мэдэгдэх хэрэгтэй. Гэсэн ч урьдчилан мэдүүлээгүй. Нөгөө талаар энэ баримт өөрөө хуульд заасан шаардлагыг хангаагүй учир хуулинд заасныхаа дагуу хүчингүй болгож, тухайн этгээдэд хариуцлага тооцох ёстой.

Практик дээр мөрдөгч нарын гаргадаг маш олон ийм алдаа бий. Үүнийг прокурорууд нүдээ аниад өнгөрүүлж байгаа зүйл зөндөө байна. Үүний нэг жишээ бол ингэж явагдаж байна.

Прокурорууд яллаг дүгнэлт үйлдээд гэмт хэрэгт холбож болно оо. Гэхдээ хууль зөрчөөгүй мэтээр худлаа тайлбар гаргаж болохгүй.

Хоёрдугаарт нь, гэрч н.Одонтуулыг шүүгдэгч учир мэдүүлэг өгсөнд тооцохгүй гэсэн. Одонтуул гэдэг бол хувь хүн. Хувь хүнийхээ үүднээс өгч буй мэдүүлэг бол тэр хүний үйл баримттай ярьж буй мэдүүлгийг үнэн зөвд тооцно. Шүүгдэгч учир худлаа мэдүүлэг өгч байна гэж ойлгож болохгүй. Прокурорууд шүүх танхимд хэлсэн үгээ эргэж харж баймаар байна. Бүгд бичигдэж үлдсэн байгаа. н.Бүжинлхам, н.Ганбулган хоёр проукурор ерөнхий ангиллаа өөрчилснөө өөрсдөө хэлчихсэн шүү дээ. Би ганцаараа хэлээд зогсож байгаа юм биш" гэв. 

Д.Батчулуун