Сошиал орчинд "Nas Daily" нэрээр алдаршсан, олон сая дагагчтай, Харвардын их сургуулийн төгсөгч Нусейр Ясин манай улсад ирэх сарын 13-нд ирж, томоохон арга хэмжээ зохион байгуулан аялахаар болсон гэдгээ өөрийн сошиал хуудсаар дамжуулан мэдэгдлээ.

Тэгвэл тэр энэ талаараа юу хэлэв?

Нусейр Ясин "Амьдралдаа анх удаа Монголд очиж, контент хийх гэж байгаадаа баяртай байна. Бидэнтэй хамт Nas Sammit-ынхан тэнд байх болно. Мөн бид Монголд болох арга хэмжээнд зориулж 20 сошиал контент бүтээгчдийг авч очино. Ийм зүйл өмнө нь болж байгаагүй байх. Бид хамтдаа контент хэрхэн бүтээхийг сурах болно. Бас Монголоор аялж, контент бүтээх болно. Урьд өмнө байгаагүй гайхалтай долоо хоног байх болно. Монгол улсын засгийн газар, Байгаль, орчин аялал жуулчлалын яам, Соёлын яам бидэнтэй хамтран ажиллаж байгааг хэлмээр байна. Бид үргэлжлүүлэн Монгол орныг тойрон аялах болно. Энэ магадгүй миний энэ жилийн хамгийн оргил үе байх болно. Дэлхийн бусад улсад Монголын тухай түүхийг хүргэнэ гэхээс маш их догдолж байна. Удахгүй Монголд уулзая. " гэжээ. 

Л.Сайнаа