Apple компани жил бүрийн намар зохион байгуулдаг шинэ бүтээгдэхүүний танилцуулгаа энэ сарын 12-нд танилцуулах гэж байна. Энэхүү арга хэмжээний гол бүтээгдэхүүний нэг нь iPhone 15 загварын гар утас байх болно.
Үүнээс гадна Apple Watch Series 9 ухаалаг бугуйн цагны шинэ загвар танилцуулагдах магадлал өндөр байна. Мөн iOS, macOS, watchOS үйлдлийн системүүдийн шинэ хувилбаруудыг зах зээлд нэвтрүүлэх нь тодорхой байгаа. Өөр нэг шинэ бүтээгдэхүүн нь өнгөрсөн зургаадугаар сард анх зарласан бодит ба хийсвэр орчныг хослуулагч Vision Pro зүүдэг төхөөрөмж байх бололтой.
Ирэх оны эхээр зах зээлд гаргах гэж байгаа энэ бүтээгдэхүүний талаар илүү дэлгэрэнгүй мэдээллийг Apple компани өгнө гэсэн хүлээлттэй байна.
Сэтгэгдэл (2)