ОХУ-ын Ерөнхийлөгч Владимир Путин ням гарагт нийтэлсэн мэдэгдэлдээ, "Орост Украины дайныг төгсгөх хангалттай хүч чадал, нөөц байгаа хэдий ч цөмийн зэвсэг хэрэглэх шаардлагагүй гэж найдаж байна" гэжээ.
Путин 2022 оны хоёрдугаар сард Оросын олон мянган цэргийг Украинд оруулах тушаал өгсөн нь дэлхийн хоёрдугаар дайнаас хойших Европт болсон хамгийн том хуурай замын мөргөлдөөн, мөн хүйтэн дайны үеэс хойших Москва болон барууны хоорондох хамгийн том дайныг өдөөсөн юм.
Өдий хугацаанд олон зуун мянган цэрэг амь үрэгдэж, шархадсан бөгөөд АНУ-ын Ерөнхийлөгч Доналд Трамп өөрийн засаг захиргаа АНУ, ОХУ-ын хооронд өрнөж буй уг дайныг зогсоохыг хүсч байгаагаа олон удаа илэрхийлсэн.
ОХУ-ын Төрийн телевизийн "Орос, Кремль, Путин, 25 жил" нэртэй Путины дөрөвний нэг зуун жилийн турш Оросын удирдагчаар ажилласан тухай кинонд Украины дайнаас үүдэлтэй цөмийн зэвсгийн аюулын талаар сэтгүүлч Путинээс асуужээ.
"Тэд биднийг өдөөн хатгасан. Бид тэдний эсрэг цөмийн хүчин чадлаа ашиглах шаардлагагүй. Тэгж найдаж байна. Бид энэ дайныг дуусгах хангалттай хүчтэй" гэж Путин 19-р зууны III Александр хааны хөргийн хажууд ярьжээ.
Л.Баяр
