БАРИМТ 1

1978 оны хоёрдугаар сарын 09-нд Увс аймгийн Сагил суманд мэндэлжээ. 

БАРИМТ 2

"Увс нуур" дэвжээний бөх. 

БАРИМТ 3

1998 онд 20 насандаа Сумын заан цолыг хүртэж байжээ. 

БАРИМТ 4

Улмаар 2003 онд Хөвсгөл аймгийн баяр наадамд тав давж шөвгөрөн Аймгийн начин болж, 2005 онд 27 насандаа Улсын начин болсон. Тэрбээр мөн 2006 онд Дархан-Уул аймгийн баяр наадамд тав давсан.

БАРИМТ 5

АХ-ын 84 жилийн ойн уг наадамд Улсын аварга О.Балжиннямаар дөрөв, улсын заан О.Одгэрэлээр тав давж "Монгол улсын начин" цолыг хүртсэн байдаг. 

БАРИМТ 6

Тэрбээр бөхийн өргөөнд 2010 онд болсон Нийслэлийн МАХН-ын 85 жилийн ойн барилдаанд Улсын заан М.Өсөхбаяраар тав давж, зургаагийн даваанд Улсын харцага Т.Өсөх-Ирээдүйд унаж байв. Энэ нь түүний бөхийн өргөөнд гаргасан хамгийн том амжилт хэмээн бүртгэгджээ. 

БАРИМТ 7

Б.Насандэлгэр нь начин болсон жилээ зургаагийн даваанд Улсын дархан аварга А.Сүхбатыг Далай аварга байхад нь унажээ. 

БАРИМТ 8

Тэр бол ардын дуучин Д.Бурмаагийн нөхөр. 

БАРИМТ 9

Хоёр хүүхэдтэй. 

БАРИМТ 10

Дархан аварга Х.Баянмөнхийн шавь.

Увс аймгийн Сагил сумын түүхт 100 жилийн ойг угтсан Монгол улсын начин Хүрд компанийн бөх Батсүхийн Насандэлгэрийн нэрэмжит Улс, Аймгийн цолтой бөхчүүдийн Үндэсний бөхийн барилдаан 2025 оны тавдугаар сарын 10-нд Монгол бөхийн өргөөнд болох гэж буй. Тэгвэл бид та бүхэнд Улсын начин Б.Насандэлгэрийн тухай баримтуудыг дэлгэж байна.