Давж заалдах шатны шүүх өнгөрсөн жил Нью-Йоркийн иргэний залилангийн хэргийн шүүх хурал дээр АНУ-ын Ерөнхийлөгч Доналд Трампын төлөх ёстой байсан 500 сая ам.долларын торгуулийг хэрэгсэхгүй болгов. Шүүгч Артур Энгорон Трампыг ашигтай зээл авахын тулд тухайн байгууллагын үл хөдлөх хөрөнгийн үнийг их хэмжээгээр өсгөсөндөө хариуцлага хүлээж төлбөрийг төлөхийг тушаажээ.

Пүрэв гарагт гаргасан уг шийдвэрт Нью-Йоркийн Дээд шүүхийн Давж заалдах шатны шүүхийн шүүгчид Трамп луйврын хэрэгт хариуцлага хүлээсэн ч бараг хагас тэрбум ам.долларын торгууль ногдуулсан нь хэт их байсныг дурдав. Энэ нь хатуу шийтгэл ногдуулах үндсэн хуулийн хамгаалалтыг зөрчсөн байж магадгүй гэж мэдэгджээ.

Энэ хэргийн хувьд шүүгч Энгорон Трампыг анх 355 сая ам.доллар төлөхийг тушаасан ч хүү нь өссөн тул 500 сая ам.доллар болж нэмэгдсэн аж.Трампын эсрэг хэрэг үүсгэсэн Нью-Йоркийн Ерөнхий прокурорын газар ч Трампын залилангийн хариуцлагыг хэвээр үлдээж, шүүгчид санхүүгийн бус бусад шийтгэлийг оногдуулаагүй тул энэ шийдвэр нь Трампын хувьд ялалтболж байгааг дурдав.

Тус алба торгуулийн шийдвэрийг эсэргүүцэн мужийн дээд шүүх болох Давж заалдах шатны шүүхэд давж заалдахаар төлөвлөж байна. Ерөнхий прокурорын газраас гаргасан мэдэгдэлд, шүүгчид "анхан шатны шүүхийн сайн дэмжсэн дүгнэлтийг баталсан: Дональд Трамп, түүний компани болон түүний хоёр хүүхэд залилангийн хэргээр хариуцлага хүлээх ёстой" гэж мэдэгдэв.

Хэргийг тодруулбал, 2023 оны есдүгээр сард шүүгч Энгорон Трампыг бизнесийн луйврын хэргээр буруутгаж, баялгаа олон зуун сая ам.доллараар зөрүүлэн буруу мэдүүлсэн гэж үзжээ. 2024 онд эхний шүүх хурал болсон. Харин энэ хэргийн талаар Трамп улс төрийн зорилготой гүтгэлэг гэж удаа дараа мэдээлсэн нь өнгөрсөн АНУ-ын ерөнхийлөгчийн сонгуулийн үеэр байв.

Л.Баяр