Европын Холбооны Монгол Улсад суугаа Төлөөлөгчийн газраас санаачилсан “Европын Холбоо – Монгол Улсын бизнес, хөрөнгө оруулалтын форум” өнөөдөр зохион байгуулагдаж байна.
Худалдаа хөгжлийн банк Монгол Улсын банк, санхүүгийн салбарыг төлөөлөн энэхүү арга хэмжээг хамтран зохион байгуулж байна. Тус форумд Монгол Улсын бодлого тодорхойлогч байгууллагын төлөөллүүд, хувийн хэвшлүүд болон Европын Холбооны хөрөнгө оруулагч, бизнес эрхлэгч нийлсэн 700 гаруй төлөөлөл оролцож байгаа юм.
Бид энэхүү арга хэмжээгээр Европын Холбоо болон Монгол Улсын бизнес эрхлэгчдэд илүү таатай хөрөнгө оруулалтын орчин бүрдүүлэх, ирээдүйн хамтын ажиллагаа, стратегийн түншлэлийг өргөжүүлэх боломжуудыг эрэлхийлэн ажиллаж байна. Тус форум нь ХХБ-ны хувьд харилцагчдаа шинэ түншүүдтэй танилцуулж, шинэ зах зээлд гарахад туслах, олон улсын бизнесийн боломжуудыг нээсэн чухал алхам боллоо.
ХХБ нь 2025 оны 3-р улирлын байдлаар Монгол Улсын нийт Европ руу хийгдэх гүйлгээний 40 гаруй хувийг дангаараа гүйцэтгэж байна.
ТОГТВОРТОЙ ХӨГЖИЛД ХАМТДАА
ХУДАЛДАА ХӨГЖЛИЙН БАНК
Сэтгэгдэл (1)