Улсын гарьд Н.Өсөхбаярын допингийн зөрчилд хариуцлага тооцож, цолыг нь хураах зарлигт Ерөнхийлөгч У.Хүрэлсүх гарын үсэг зурсан тухайн бид өмнө нь мэдээлсэн. Улмаар түүнд 6, 7, 8-ийн даваанд унасан унасан бөхчүүдэд чимэг нөхөн олгох ёстой. 

Тэрбээр баяр наадмын зургаагийн даваанд Улсын заан М.Лхагвагэрэл, долоогийн даваанд Улсын заан Б.Пүрэвсайхан, наймын даваанд Дархан аварга Н.Батсуурь нарыг давсан билээ. Тэгвэл тэдний цолны чимэгт ямар өөрчлөлт орж, эрэмбэ нь хэрхэн дээшлэх эсэхийг танилцуулж байна. 

Улсын Дархан аварга Н.Батсуурийг баяр наадамд гурван удаа найм давсанд тооцон "Далай Даян" чимэг олгоно. Ингэснээр тэр Улсын баяр наадамд 4 удаа ес, 3 удаа найм, 2 удаа долоо, 1 удаа тав, зургаа давсан хүчтэн боллоо. 

Улсын Саруул сайжрах заан Б.Пүрэсайханыг гурав дахь удаагаа долоо давсанд тооцон "Хуйрнан Шуугигч" чимэг олгоно. Ингэснээр тэр 3 удаа долоо, 3 удаа зургаа, 2 удаа тав давсан амжилттай болж байна. Тэр заан цолтнуудынхаа хамгийн дээр зогссон хэвээр...

Улсын заан М.Лхагвагэрэлийг зургаа давсанд тооцон "Үнэн зоригт" чимэг олгоно. Ингээд тэр заан цолтнуудынхаа эрэмбэнд 1 удаа долоо, 1 удаа зургаа, 2 удаа тав давсан амжилтаар Улсын заан М.Өсөхбаяртай дүйх амжилтыг үзүүлж байна. Улмаар Улсын заан Б.Батмөнх, Д.Анар нарын дээр эрэмбэлэгдэнэ. 

Л.Баяр