Соёл, спорт, аялал жуулчлалын яамнаас 2013 оны дөрөвдүгээр сарын 27-29-ний өдрүүдэд Ардчилсан орнуудын хамтын нийгэмлэгийн сайд нарын YII бага хурал зохион байгуулагдаж байгаатай холбогдуулан нийслэлд үйл ажиллагаагаа явуулж байгаа нийт музейнүүдийг уртасгасан цагаар ажиллуулах шийдвэр гаргажээ. Энэ өдрүүдэд өглөөний 10:00 цагаас оройн 21:00 цаг хүртэл ажиллах юм байна. Түүнчлэн музей бүрт гадаад хэлтэй тайлбарлагч ажиллуулах, хүндэт зочдын сэтгэгдлийг дэвтэрт бичүүлэх болон төлөөлөгчдөд үнэ төлбөргүй үйлчлэхийг ССАЖ-ын сайд Ц.Оюунгэрэл үүрэг болгосон байна. Тиймээс ойрын гурав хоногт Үндэсний музей, Төрийн түүхийн музей, Уран зургийн галарей, Байгалийн түүхийн музей, Дүрслэх урлагийн музей, Эрдэнэ зуу музей, Соёлын өвийн төв, Богд хааны ордон музей, Театрын музей, Чойжин ламын сүм музей, Хар хорум музей, Хөшөө цайдам музей гэхчлэн нийслэлд үйл ажиллагаа явуулдаг музейд оройн 21:00 цаг хүртэл ажиллах юм байна.
