Хөдөлмөрийн яамнаас манай улсад ажиллахаар ирсэн гадны иргэдийн эзлэх хувийг гаргаснаа өнгөрсөн долоо хоногт мэдээлжээ. Монгол Улсад 103 орны 12 мянга гаруй гадаадын иргэн хөдөлмөр эрхэлж байгаа ажээ. Энэ нь зөвхөн өнгөрсөн долоо хоногийн эхний байдлаар гарсан тоо юм байна. Гадаадын иргэдийн 5900 орчим нь өмнөд хөршийн иргэд байгаа гэнэ. Тэдний 4000 гаруй  нь барилга, уул уурхайн салбарт ажиллаж байгаа бол 800 орчим нь зам тээвэр, агуулахын салбарт ажиллаж байгаа аж. Бүтээн байгуулалт эхэлж байгаа болохоор гадаад ажиллах ажилчдын тоо цаашид өснө гэсэн судалгаа гарчээ.