Энэ жил АНУ-ын нисэх онгоц үйлдвэрлэгч “Боинг” компани Индонезийн агаарын тээврийн компани “Lion Air”-тэй 21,7 тэрбум ам.долларын гэрээ байгуулж, 230 онгоц хүлээлгэн өгөхөөр болсон. Мөн Арабын нэгдсэн Эмират улс 18 тэрбум ам.долларын гэрээгээр 200 орчим “Боинг” үйлдвэрлэж өгөхөөр тохиролцсон юм. Харин манай улс энэ компаниас өнөөдөр шинэ “Боинг 767-300ER” онгоцоо хүлээн авч байна. Уг онгоцыг хүлээн авахаар Зам тээврийн яамны төрийн нарийн бичгийн дарга Б.Батзаяа тэргүүтэй 40 гаруй хүмүүс АНУ-д очжээ. Энэ багт яамныханаас гадна МИАТ-ийн ажилчид явсан бололтой. Эдгээр хүмүүсийн зардал чирэгдэл ихээхэн өндөр гарч байгаа гэж эх сурвалж манайд мэдээллээ. Ганцхан онгоц хүлээн авахын тулд 40 гаруй хүмүүс АНУ-д очиж сүржигнэх хэрэг байна уу гэдэг анхаарал татсан сэдэв болж байна. Хоёр зуун онгоц захиалсан улс орнуудын төлөөлөгчид нь зүгээр л очоод онгоцоо аваад явдаг гэнэ. Гэтэл манайх бүхэл бүтэн улс байж ганц онгоц авч байгаадаа дэндүү хөнгөн сүрийг бадруулаад байх шиг.