Олон орны эмч нарын бүхий л эмэгтэйчүүдэд хандаж хэлсэн хамгийн оновчтой үгс, зөвлөгөөг та бүхэнд хүргэж байна.

1.  “Эмчид хандах болсон шалтгаанаа оновчтой тайлбарла. Өвчний шинж тэмдэг, зовиураа бүрэн тайлбарлаж байж л зөв онош тогтооно. Тиймээс анхаарлаа төвлөрүүлж, юу хүсч буйгаа тодорхой тайлбарлаарай.”

2.  “Айж, сандрах хэрэггүй. Зүгээр л эмчтэйгээ ярилц. Юуны ч тухай байж болно. Миний өвчтөнүүд батга, хөлрөлт, эвгүй үнэрийн тухай ярианаас байнга л зайлсхийдэг. Эцсийн эцэст та бага ярих тусам бэрхшээл тань улам л нэмэгдэх болно”

3.   “Хэрэглэж байгаа бүхий л эмээ нуулгүй тоочоорой. Эмийн жор гэдэг тоглоом биш.”  
Эм зүйч Брайн И.Лэйси

4.  “Долоо хоногт хэдэн удаа дур ханадгаа тодорхойл. Дур тавих үед ялгарч буй гормон сэтгэл санааг тайвшруулж, эрч хүч өгдөг. Урт наслуулж ч мэдэх юм. Хэрэв та хамтрагчгүй бол хиймэл эрхтэн туршаарай.”

5.    “Амьдралд байдаг хөгжилтэй хэрнээ эрх чөлөө, эрүүл мэнд амтлуулдаг цөөхөн зүйлсийн нэг нь секс. Тиймээс татгалзах хэрэггүй.”

6.   “Гэр бүлийн түүхээ судлаарай. Аав ээж, өвөө эмээ, эсвэл авга нагац нарын чинь хэн нэг нь тавь хүрэхээсээ өмнө хорт хавдраар өвчилж байсан юм биш биз? Тэгвэл танд энэ өвчнөөр өвчлөх эрсдэл өндөр гэсэн үг.”

7.  “0.02 - 0.025 грамм. Энэ бол Д амин дэмийн норм. Ялангуяа бид өвлийн улиралд нарны гэрлээс Д амин дэм авч чаддаггүй. Харин уг амин дэм ясны бэхжилтэд хэрэгтэйгээс гадна хавдрын эсрэг үйлчлэл үзүүлдэг.”
8.  “Килограмм биш харьцааг л бод. Айдсыг чинь багасгах болно. Хэрэв та илүүдэл жинтэй бол биеийн жингийнхээ 5-10 хувийг хаяхад л хангалттай. Таны эрүүл мэндийг эрсдлээс хамгаалах болно.”
9.    “Илчлэг бага хүнс хэрэглэхийг хүсдэг бол жимс, ногоо гэх мэт аль болох шүүслэг хүнстэй нөхөрлөөрэй. Хамгийн гол нь калоригүй.”

10.  “Гурван хундагын дараа таны биеийн 86 хувь үйл ажиллагаагаа алддаг. Тиймээс нэмэх хэрэггүй.”

11. “Эрүүл амьдралыг хүсдэг бол зорилгоо тодорхойл. Гэр хүртлээ хоёр буудал газар алхахаас эхэл. Ямар ч дасгалаас илүү нөлөөлнө.”
12. “Эрүүл мэндийн вэб хуудсаар ороорой. www.e-health.mn, www.moh.mn, www.103.mn” Физилогич Лори Ж.Хэйм.

13.  “Хэрэв та нэг л өглөө босоод таргалснаа мэдсэн бол өчигдөр юу гэж бодож байснаа санаарай. Толин дахь тусгал тань бодит биш, таны хийсвэрлэлийнх байж ч болох юм.”

14.  “Давс бага хэрэглэ. Өнөөдөр та эрүүл залуу байгаа ч тавь шүргээд ирэхэд даралт чинь ихэсч, зүрх тань өвчлөх магадлал ихсэх болно.”

15. “Унтахын өмнө түрүүлгээ харан толгой, мөрөө өргөн хоёр хүртэл минут хэвтэж занш. Цээжийг чинь тэнийлгэж, цусны эргэлтийг сайжруулан, уушиг зүрхэнд чинь эерэгээр нөлөөлнө.”


16. “Сард нэг удаа арьсаа оношлуул. Гэхдээ эмчид хандахын өмнө усанд ороорой. Чийгшүүлэгчтэй арьсны оношлогоо буруу гардаг.”

17.    “Хурц нартай өдөр малгай өмсч хэвш.  Миний нэг өвчтөн нүүрэндээ байнга нарны хаалт хийдэг байсан атал биеэ огт хайхардаггүй байсан юм. Харамсалтай нь нэг л өдөр толгойд нь хавдар үүссэн байсныг мэдсэн.”

18.  “Хэрэв та гараа хөдөлгөхөөс залхуурдаг бол цахилгаан сойз хэрэглэж, цооролт шүдний өвчнөөс сэргийлээрэй.”

19.  “Тоник уусны дараа амаа зайлж хэвш. Шүдний пааланг хүчлээр түлэхээс сэргийлдэг.”
20.  “Таны хоолойгоор орж байгаа бүхэн эрч хүч нөхөх ёстой. Зүрхэнд тустай үр тариа болон дархлаа сайжруулдаг хүнсний ногоо. Таны хоолны 85 хувийг ийм төрлийн хоол хүнс эзлэх ёстой.”

21.  “Оливийн тосыг хоолондоо хий.  Учир нь омега 3 хэмээх хүчил агуулдаг ус, тос зүрхний өвчлөлөөс сэргийлдэг.”

22.  “Таны идэх хоол хүнс бүр чинь ногоо, жимсний хольцтой байх ёстой.” Зөв хооллолтын мэргэжилтэн Брайн Вансинк.

23. “Төрөл бүрийн хүнсийг хоолондоо хэрэглэ. Шанцай, болон энэтхэг, тай үндэстний хоол хүнсэндээ хэрэглэдэг халуун ногоо амт нэмэхээс гадна эрүүл мэндэд тустай. Хавдраас хамгаалдаг.”

24. “Ирээдүйдээ анхаарал хандуул. Ихэнх залуу бүсгүйчүүд эрүүл чийрэг байдаг ч тэд хөгшрөх тухай огтхон ч боддоггүй. Тиймээс өөрчлөлтийг өнөөдрөөс эхэл. Дасгал хийж, эрүүл хүнс хэрэглэн, эрүүл мэнддээ зориулж дансандаа мөнгө хадгал.”