Улсын Их Хурлын дарга З.Энхболд Өвөрхангай аймгийн Арвайхээр сумын иргэд сонгогчидтой уулзсаныхаа дараа тус аймгийн Баянгол суманд ажиллалаа. Тэрээр сумын иргэдэд УИХ-аар батлагдсан хууль тогтоомжуудыг тайлбарлан таниулж, сонирхсон асуултад нь хариулт өглөө.
Баянгол сумын хувьд зуншлага тааруухан байгаагаас малын тарга тэвээрэг төдийлөн сайн биш байгааг малчид хэлж байна. Тус сум нь өнгөрсөн жил 171,000 толгой мал тоолуулж, 68000 төл хүлээн авч, малын хорогдолгүй өвлийг өнтэй давжээ. Иргэдийн гол амьжиргаа нь мал аж ахуйн салбар. Тиймээс тус сумын иргэд Улсын Их Хурлын дарга З.Энхболд болон түүнийг дагалдан яваа Үйлдвэр, хөдөө аж ахуйн дэд сайд Ц.Туваанаас хөдөө аж ахуйн салбарт ямар бодлого боловсруулан, хэрхэн тусламж дэмжлэг үзүүлэх гэж байгаа талаар асууж тодруулав. Тухайлбал, малчдын гол үйлдвэрлэл явуулдаг бэлчээрийн газрыг хувьчлах, малчдын нийгмийн даатгал, хөдөө аж ахуйн гаралтай бүтээгдэхүүний борлуулалтыг хэрхэн малчдад ойр байдлаар шийдэх гэж байгаа зэрэг олон зүйлүүдээр мэдээлэл авахыг хүслээ.
Дэд сайд Ц.Туваан ”Малчдыг мэргэжлийн үнэмлэх, тамга, тэмдэг, гэрчилгээтэй болгох ажлыг улс орон даяар зохион байгуулж байгаа. Ингэснээр Монгол Улсын хэмээнд хичнээн малчин өрх байгааг мэдэх, мөн ноос, сүү, арьс ширний урамшуулалд хамрагдах, цаашлаад малын гарал үүсэл нь буух эзэнтэй буцах хаягтай болох давуу талтай болно” гэдгийг хэллээ. Мөн сүүний чиглэлээр 86 суманд сүүний цех ашиглалтад оруулахаар төлөвлөж, иргэдийн хэрэглэж байгаа хуурай сүүний хэрэглээг бууруулах, малчдын сүү, сүүн бүтээгдэхүүнийг борлуулах боломжийг газар дээрээс нь шийдэх боломжтойг онцлов. Тэрээр хүнд, эрсдэлтэй үйлдвэрлэл эрхэлж байдаг газар тариалан, болон мал аж ахуйн салбарыг байнга дэмжиж ажиллана гэдгээ мэдэгдлээ.
Мөн иргэдийн хувьд "Төсөл бичээд зээлд хамрагдаж чадахгүй байна. 30, 40 сая төгрөгийн төсөл бичсэн хүмүүс зээлээ авчихдаг. Харин хоёр гурван сая төгрөгийн зээл авах гэхээр чадахгүй байна" гэсэн гомдлыг хэлж байлаа. Энэ талаар УИХ-ын дарга З.Энхболд “Сум хөгжүүлэх сангаар дэмжуулан сум бүрт мөнгө хувиарилж байгаа. Баянгол суманд жилд 60 сая төгрөг хувиарилагддаг. Энэ мөнгийг 3 жилийн өмнөөс өгч эхэлсэн гэхээр танай суманд 180 сая төгрөг байгаа гэсэн үг. Өмнө нь зээл авсан хүмүүс зээлээ хугацаанд нь төлөхгүй байгаа учраас дараагийн хүмүүст зээл олдохгүй байгаа. Хэн хэдэн төгрөгийн зээл авч, хэдийг нь төлсөн байна гэдгийг интернэтээр ороод харах боломжтой. Ингэснээр өмнөх зээл авсан хүмүүсээ зээлээ төл гэж иргэд өөрсдөө шаардах эрхтэй юм” гэлээ.
Ийнхүү Баянгол сумын уулзалт өндөрлөлөө. УИХ-ын дарга өнөөдөр тус аймгийн Сант, Баян-Өндөр, Өлзийт сумдад ажиллана гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.
Баянгол сумын хувьд зуншлага тааруухан байгаагаас малын тарга тэвээрэг төдийлөн сайн биш байгааг малчид хэлж байна. Тус сум нь өнгөрсөн жил 171,000 толгой мал тоолуулж, 68000 төл хүлээн авч, малын хорогдолгүй өвлийг өнтэй давжээ. Иргэдийн гол амьжиргаа нь мал аж ахуйн салбар. Тиймээс тус сумын иргэд Улсын Их Хурлын дарга З.Энхболд болон түүнийг дагалдан яваа Үйлдвэр, хөдөө аж ахуйн дэд сайд Ц.Туваанаас хөдөө аж ахуйн салбарт ямар бодлого боловсруулан, хэрхэн тусламж дэмжлэг үзүүлэх гэж байгаа талаар асууж тодруулав. Тухайлбал, малчдын гол үйлдвэрлэл явуулдаг бэлчээрийн газрыг хувьчлах, малчдын нийгмийн даатгал, хөдөө аж ахуйн гаралтай бүтээгдэхүүний борлуулалтыг хэрхэн малчдад ойр байдлаар шийдэх гэж байгаа зэрэг олон зүйлүүдээр мэдээлэл авахыг хүслээ.
Мөн иргэдийн хувьд "Төсөл бичээд зээлд хамрагдаж чадахгүй байна. 30, 40 сая төгрөгийн төсөл бичсэн хүмүүс зээлээ авчихдаг. Харин хоёр гурван сая төгрөгийн зээл авах гэхээр чадахгүй байна" гэсэн гомдлыг хэлж байлаа. Энэ талаар УИХ-ын дарга З.Энхболд “Сум хөгжүүлэх сангаар дэмжуулан сум бүрт мөнгө хувиарилж байгаа. Баянгол суманд жилд 60 сая төгрөг хувиарилагддаг. Энэ мөнгийг 3 жилийн өмнөөс өгч эхэлсэн гэхээр танай суманд 180 сая төгрөг байгаа гэсэн үг. Өмнө нь зээл авсан хүмүүс зээлээ хугацаанд нь төлөхгүй байгаа учраас дараагийн хүмүүст зээл олдохгүй байгаа. Хэн хэдэн төгрөгийн зээл авч, хэдийг нь төлсөн байна гэдгийг интернэтээр ороод харах боломжтой. Ингэснээр өмнөх зээл авсан хүмүүсээ зээлээ төл гэж иргэд өөрсдөө шаардах эрхтэй юм” гэлээ.
Ийнхүү Баянгол сумын уулзалт өндөрлөлөө. УИХ-ын дарга өнөөдөр тус аймгийн Сант, Баян-Өндөр, Өлзийт сумдад ажиллана гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.
