Шинэчлэлийн засгийн газрын ажлын хүрээнд Монгол Улсын Ерөнхий сайд Н.Алтанхуягийн санаачилгаар “Замын цагдаагийн торгуулийг бэлнээр төлдөггүй систем”  байгуулах ажлыг зохион байгуулж байгаа.  Ерөнхий сайдын багц 50 тэрбум  төгрөгөөс санхүүжилтийг нь гаргасан энэ ажлыг “Смарт солюшнс” компани гүйцэтгэсэн бөгөөд 1.8 тэрбум төгрөг зарцуулсан юм. Харин энэхүү 1.8 тэрбум төгрөгийн цаана тодорхой хэмжээний мөнгөний луйвар явагдаж байгаа талаар бид мэдээлсэн.

Учир нь тухайн төхөөрөмжийг гадны орноос маш хямдаар авчрах боломжтой байсныг хэд дахин өсгөж нийлүүлсэнд иргэд шүүмжлэлтэй хандаж байгаа. Тэгвэл үүний цаана хэн гэж этгээд луйвар хийж байгааг ч олон нийт мэдэхийг хүсч байгаа юм.

Мэдээж хамгийн түрүүнд хардах газар бол гүйцэтгэлийг хийсэн “Смарт солюшнс” компани юм. Гэтэл энэ компанийн ард Хууль зүйн сайд Х.Тэмүүжинг байдаг гэдгийг эх сурвалжууд баталж байна. Тодруулбал, тус компанийн захирал Н.Солонгын нөхөр Х.Сэргэлэн нь Х.Тэмүүжин сайд, Л.Гантөмөр сайд нарын үүсгэн байгуулсан “Нэг ардчилал клуб”-ын гол санхүүжүүлэгчээс Хууль зүйн сайд Х.Тэмүүжингийн дотны анд аж. Тиймдээ ч сайдын дэмжлэгээр тендерүүдийг ногоон гэрлээр авдаг байна. Тэгвэл энэ байдлаас болж зарим хүмүүс  Х.Тэмүүжин сайдыг тендерийг будлиантуулсан хэмээн хардаж эхэллээ.