Яг 15 хоногийн дараа монголчууд бид шинэ оноо угтан авах гэж байна. Албан байгууллагууд аль хэдийн “ёолк”-доод эхэлсэн энэ үед харин өрх гэр бүлүүд шинэ оны баяраа хэрхэн тэмдэглэх талаар төлөвлөгөө гаргаж, төсөв санхүүгээ хувиарлажээ. Энэ удаа айл, өрхүүд хэдэн төгрөгөөр баярын ширээгээ тэмдэглэж болох талаар сурвалжиллаа.

    Жилийн өмнө 150 мянган төгрөгөөр баярын ширээгээ бүрэн чимэглэдэг байсан бол энэ жилийн хувьд хоёр хүүхдийн бэлэг, бага зэрэг чихэр, жимс хиам огурцы, салат, оргилуун дарс, бялуу, авахад л мөнгө  дуусахаар байна. Үүнээс үзвэл энэ жилийн барааны үнийн хэт өсөлт ч иргэдийн баярын ширээгээ чимэглэх байдалд нөлөөлсөн гэсэн үг юм.  Инфляци, барааны үнийн өсөлт, доогуур түвшний амьжиргаатай гэсэн ч бүхий л хүн яаж, ийж байгаад баяраа сайхан тэмдэглэж өнгөрүүлэхийг хичээдэг.

  Баярын үеэр хүмүүсийн хэтэвчний зузаан, чадал чансаа харагддаг бичигдээгүй хуультай. Гэтэл жилээс жилд үнэ нь өсөх бараанаас болж айлуудын амьдрал улам баян, ядуугаараа ялгарсаар байна. Энэ жилийн хувьд 4 ам бүлтэй айл хамгийн багадаа 150 мянган төгрөг шинэ жилийн орой зарцуулахаар байна. Ингэж байж баярын ширээ дүүрч харагдана. Гэхдээ уг мөнгөнд зөвхөн ширээ чимэглэх чихэр, жимч, оргилуун дарс, салт, бялуу зэрэг л багтаж байгаа юм. Энэ бол зөвхөн нэг оройны төсөв бөгөөд өөр бусад зүйлийг нэмж авбал үүнээс илүү мөнгө орно гэсэн үг. Ам бүл олонтой айл бол дор хаяж 200-300 мянган төгрөгөөр баярын ширээгээ чимэглэх нь.  Хоёр жилийн өмнө 150 мянган төгрөгөөр гэрийнхээ өдөр тутмын хэрэгцээ буюу гурил, будаа, элсэн сахар, хүнсний ногоогоо аваад нэмж баярын ширээнхээ зүйлийг хангалттай авдаг байсан бол харин энэ жил дээрх жаахан зүйлийг л авч хүрэхээр байна. За тэгээд олон хүүхдийн бэлэг бэлддэг, хөгшин настай хүмүүст бол тэтгэвэрийн мөнгө нь хаана ч хүрэхгүй гэдгийг тэд хэлж байна.
   Энэ мэтээр үнийн өсөлт баярын ширээнд нөлөөлөх нь.