Монгол улсын прокурорын санаачлан боловсруулсан “Шүүх эрх мэдлийн шинэтгэлийг гүнзгийрүүлэх хөтөлбөр”, Улсын ерөнхий прокурорын 2012 оны 05-р сарын 24-ны өдрийн 1/1335 тоотоор ирүүлсэн чиглэлийн хүрээнд прокурорын байгууллагын баримталж буй бодлого, зорилт, өөрчлөлт шинэчлэлийг олон нийтэд хүргэх, прокурорын байгууллагын ил тод байдлыг хангах, хүнд суртал чирэгдэлийг арилгах, гэмт хэргээс урьдчилан сэргийлэх үйл ажиллагааг эрчимжүүлэх, тухайн орон нутгийн хэмжээнд гарч буй гэмт хэргийн талаарх гомдол мэдээлэл, эрүүгийг хэргийг хэрхэн шалгаж буй ажиллагаан талаар иргэдийн санал, хүсэлтийг сонсож боломжтой асуудлыг гаазар дээр нь шийдвэрлэх зорилгоор 2013 оны 11-р сраын 20-29-ны өдрүүдэд Ховд аймгийн Булган сумын, сум дундын 2-р шүүх цагдаагийн хэлтэстэй хамтран ахлах прокурор Г.Лхагвасүрэн, туслах ажилтан Э.Гантулгын хамт Ховд аймгийн Алтай, Үенч, Мөст, Цэцэг, Мөнххайрхан сумдын ард иргэдтэй уулзалт  ярилцлага зохион байгуулж, зарим сумын иргэдийн төлөөлөгчдийн хурлын дарга хэсгийн төлөөлөгч нарын ажлыг шалган зааварчилж ажилласан байна.

Энэ ажлын хүрээнд прокурорын байгууллага баримталж буй бодлого Булган суман дахь сум дундын прокурорын газрын үйл ажиллагаа, тухайн сумдын эрүүгийг нөхцөл байдлын талаар ахлах прокурор илтгэл тавьж яриа таниулга хийсэн байна.

 Түүнчлэн Цэцэг сумын ЗДТГ-тай хамтран тус суманд “Хууль эрх зүй бидний амьдрал”-д сэдэвт дэвжээ тэмцээн зохион байгуулах зэргээр ажиллажээ.

Иргэдтэй уулзах үеэр Алтай, Үенч, Мөст, Цэцэг, Мөнххайрхан сумдын иргэдээс прокурорын байгууллагад хандаж цөөнгүй асуултуудыг асууж хандсан бөгөөд асуулт бүрт нэг бүр тодорхой хариулт өгч Алтай, Мөнххайрхан сумын иргэд болон сумдын ГХУС салбар зөвлөлийн дарга нарын гаргасан санал, хүсэлтийг шийдвэрлүүлэх зорилгоор тодорхой ажил зохион байгуулах шаардлагатай байгаа талаар тус сум дундын прокурорын газраас Ховд аймгийн ИТХ-ын дарга, засаг дарга нарт албан бичиг хүргүүлжээ.

Мөн энэ үеэр сумын хэсгийн төлөөлөгчийн ажлыг шалгаж шийдвэлэж буй гэмт хэргийн талаар гомдол, мэдээлэл, эрүүгийн хэргийн хугацаа хуульд нийцэж буй эсэх, тухайн суманд хуульд заасан үндэслэл журмаас гадуур хүнийг саатуулах хорих ажиллагаа байгаа эсэх зэргийг газар дээр нь танилцаж улмаар иргэдээс гаргасан 3 гэмт хэргийн талаарх гомдол, мэдээллийг хүлээн авч харъяаллын дагуу шалгуулахаар Булган сумын цагдаагийн хэлтэст шилжүүлж, гомдол, мэдээллийг дарж иргэдийг чирэгдүүлж ЭБШ хууль ноцтой зөрчсөн зарим сумдын хэсгийн төлөөлөгч нарт хариуцлага тооцуулахаар Ховд аймгийн Цагдаагийн газрын даргад  прокурорын шаардлага хүргүүлжээ.

Түүнчлэн зарим сумын гэмт хэргээс урьдчилан сэргийлэх салбар зөвлөл нь Гэмт хэргээс урьдчилан сэргийлэх тухай хууль, Мал хулгайлах гэмт хэрэгтэй тэмцэх урьдчилан сэргийлэх тухай хууль болон Архидан согтуурахтай тэмцэх тухай хуулийн хэрэгжилтийг сум орон нутагтаа хэрхэн зохион байгуулж байгааг шалгаж, илэрсэн зөрчлийг арилгуулахаар удирдамжийн дагуу холбогдох шалгалтыг явууллаа. Энэ ажлын хүрээнд салбар зөвлөлийн хийж гүйцэтгэсэн ажлуудыг төлөвлөгөө, бүртгэл, судалгаатай нь тулган үзэж улмаар шалган зааварчилж, мэргэжил арга зүйн зөвлөгөөг газар дээр нь тухай бүр өгч, шалгалт хийсэн талаарх мэдээллийг сумын засаг дарга, холбогдох албан тушаалтнуудад мэдээлэн, илэрсэн зөрчлийг арилгуулахаар прокурорын мэдэгдэл бичиж ажилласан байна.