Дээрх зөрчлийг таслан зогсоох зорилгоор Баянхонгор аймгийн Прокурорын газраас санаачлан 2013 оны 12 дугаар сарын 04-ний өдөр “Эд хөрөнгө хураах, битүүмжлэх ажиллагааны хууль зүйн үндэслэл, цаашид авах арга хэмжээ” сэдэвт нэгдсэн зөвлөгөөнийг зохион байгууллаа.

Зөвлөгөөнд аймгийн Сум дундын шүүх, Цагдаагийн газар, Шүүхийн шийдвэр гүйцэтгэх алба, Засаг даргын тамгын газрын Хууль зүйн хэлтэс зэрэг байгууллагуудын удирдлага, алба хаагчид оролцлоо.

Уг зөвлөгөөнд аймгийн Прокурорын газрын орлогч прокурор Ч.Баярцэнгэлээс “Гэмт хэрэг үйлдсэн этгээдийн нуугдмал эд хөрөнгийг илрүүлэх, хэрэг бүртгэлт, мөрдөн байцаалтын шатанд эд хөрөнгө хураах, битүүмжлэх ажиллагаанд тавих прокурорын хяналт, нотлох баримтыг цуглуулж, бэхжүүлэхэд анхаарах асуудал” сэдвээр, ял эдлүүлэх ажиллагаанд тавих хяналт хариуцсан хяналтын прокурор П.Мөнхтуяагаас “Эд хөрөнгө хураах шүүхийн шийдвэр гүйцэтгэлийн ажиллагаанд тавих прокурорын хяналт” сэдвээр, аймгийн Цагдаагийн газрын мөрдөн байцаагч, цагдаагийн ахмад С.Дамдиндоржоос “Хэрэг бүртгэлт, мөрдөн байцаалтын ажиллагааны явцадэд хөрөнгө хураан авах, битүүмжлэх ажиллагааны хууль зүйн үндэслэл, эд хөрөнгийн хадгалалт, хамгаалалтын  байдлыг хангах нь”сэдвээр,Сум дундын шүүхийн шүүгч Л.Нарангэрэлээс “Хэрэг бүртгэлт, мөрдөн байцаалтын шатанд хураагдсан болон битүүмжлэгдсэн эд хөрөнгийг нотлох баримтаар үнэлэх нь” сэдвээр, Шүүхийн шийдвэр гүйцэтгэх албаны ахлах шийдвэр гүйцэтгэгч, дэслэгч Б.Бурмаагаас “Шүүхийн шийдвэрээр хураагдсан, битүүмжлэгдсэн эд хөрөнгийг хураан авч улсын орлого болгох шийдвэр гүйцэтгэлийн ажиллагааг хэрхэн хэрэгжүүлж байгаа, гарч буй хүндрэл бэрхшээл” сэдвээр, аймгийн Засаг даргын тамгын газрын Хууль зүйн хэлтсийн мэргэжилтэн Д.Бямбаа “Шүүхийн тогтоолоор хураагдсан эд хөрөнгийг хүлээн авч, улсын орлого болгох нь” сэдвээр тус тус илтгэл хэлэлцүүлж, зөвлөгөөнд оролцогчдын санал, шүүмжлэлийг сонсож, цаашид анхаарвал зохих асуудал, авч хэрэгжүүлэх арга хэмжээний талаар аймгийн Прокурорын газраас эрүүгийн хэрэг бүртгэлт, мөрдөн байцаалт, шүүхийн шийдвэр гүйцэтгэлийн ажиллагаа явуулах эрх бүхий албан тушаалтны үйл ажиллагаанд мөрдөх зөвлөмж боловсруулан харъяа Цагдаагийн газар, Шүүхийн шийдвэр гүйцэтгэх албанд хүргүүлсэн байна.

Мөн нэгдсэн зөвлөгөөнийг тохиолдуулан оролцогч байгууллагуудын дунд гар бөмбөгийн тэмцээн зохион байгуулснаас аймгийн Цагдаагийн газрын баг тамирчид тэргүүлж, аймгийн Шүүхийн шийдвэр гүйцэтгэх албаны баг, тамирчид удаалсан байна.