Улсын ерөнхий прокурорын 2011 оны 1/01 албан даалгаврын заалтыг  хэрэгжүүлэх ажлын хүрээнд Говьсүмбэр аймгийн прокурорын газраас Улсын ерөнхий прокурорын газраас ирүүлсэн хугацаатай үүрэг даалгаврыг хүлээн авах, бүртгэх, биелэлтийн байдлыг 2013 оны байдлаар судалсан байна.

          Судалгаанд хамрагдсан хугацаанд Улсын ерөнхий прокурорын газраас 72 хугацаатай үүрэг даалгаврыг хүлээн авч “Хариутай бичгийн бүртгэл”-д бүртгэн, бүртгэл хяналтын карт хөтлөн аймгийн прокурор түүнийг эзгүйд орлогч прокурорт танилцуулан цохолт хийлгэн бүртгэлтийн программд удирдлагаас өгсөн цохолт, хариуцсан албан тушаалтныг нь оруулан бүртгэж, холбогдох албан тушаалтанд бүртгэлээр хүлээлгэн өгдөг,  аймгийн прокурор давхар бүртгэл хөтлөн хяналт тавьж ажилладаг журам хэвшсэн байна.

     Нийт ирүүлсэн хугацаатай үүрэг даалгаврын 65,2 хувь нь уг үүрэг даалгаврын хариуг 5 хоногийн өмнө хүргүүлэх боломжтой хугацаанд ирүүлсэн байх бөгөөд цаашид хугацаатай үүрэг даалгаврын хариуг хүргүүлэх хугацаанаас 5 хоногийн өмнө холбогдох газар, хэлтэст хүргүүлж ажиллахаар тогтжээ.

   Прокурор, ажилтнуудаас хугацаатай үүрэг даалгаврыг хүлээн аваад хариуг хүргүүлсэн хугацааг авч үзвэл тухайн өдөрт нь 12, 1-5 хоногийн өмнө 32, 6-10 хоногийн өмнө 22, 11-42 хоногийн өмнө 4 үүрэг даалгаврыг Улсын ерөнхий прокурорын газрын холбогдох газар, хэлтэст хүргүүлэн ажилласан байна.

Хугацаатай үүрэг даалгаврыг заасан хугацаанаас хожимдуулсан, тасалдуулсан болон үүрэг даалгаврыг хангалттай хийгээгүйгээс дахин хийлгэхээр буцаасан тохиолдол гараагүй байна.

 Судалгааны дүнг үндэслэн цаашид Улсын ерөнхий прокурорын газраас даалгасан хугацаатай үүрэг даалгаврыг даргын туслах хүлээн авч цахим болон цаасан бүртгэлд бүртгэн хяналтын карт хөтөлж, программд цохолтыг бүрэн оруулан, хүлээн авсан албан тушаалтан үүрэг даалгаврыг богино хугацаанд чанартай сайтай хийж хугацаатай үүрэг даалгаврыг хожимдуулахгүй, таслахгүй ажилладаг одоогийн арга барилыг баримтлан ажиллах нь  зүйтэй байна гэж үзжээ.