Ховд аймгийн Мэргэжлийн хяналтын газраас энэ сарын 24-25-ны өдрүүдэд сумдын байгаль орчин, хөдөө аж ахуйн улсын байцаагчдыг мэдлэг чадвар, ажлын хариуцлагыг өндөржүүлэх, хяналт шалгалтын ажлыг үр дүнд хүргэх, МХЕГ-аас 2014 онд сахилга хариуцлагын жил болгон зарласантай уялдан салбарын хэмжээнд сахилга хариуцлагыг дээшлүүлэхэд чиглэгдсэн сургалтанд хамрууллаа.Сургалтанд аймгийн Байгаль орчны газар, Цагдаагийн газар, Дэлхийн байгаль хамгаалах сангийн Ховд дахь хөтөлбөрийн газар, Сум дундын ойн анги, Хар нуур, Ховд голын сав газрын захиргаа, Үйлдвэр хөдөө аж ахуйн газар зэрэг байгууллагууд хамтран оролцон 2014 онд дэвшүүлсэн зорилго, зорилтын хүрээнд хийж хэрэгжүүлэхээр төлөвлөсөн ажлуудын талаар ерөнхий мэдээлэл өгч, сум орон нутгуудад эрсдэлд суурилсан хяналт болон зөвлөн туслах үйлчилгээг хэвшүүлэх, хуулийн хэрэгжилтийг хангуулахад талуудын оролцоотой хяналтыг бий болгох, орон нутгийн ААН, байгууллагуудад дотоод хяналтыг төлөвшүүлэх зэрэг асуудлыг авч хэлэлцэв.
Мөн Мэргэжлийн хяналтын байгууллагын үйл ажиллагааны өнөөгийн байдал цаашдын зорилт, төрийн захиргааны албан хаагчын ёс зүй, харилцаа, цаг ашиглалт, ухаалаг төрийн зарчмыг нэвтрүүлж, сахилга хариуцлагыг дээшлүүлэх, Эрсдэлд суурилсан хяналт шалгалт, эрсдлийн үнэлгээ хийх, Хяналтын хуудас хэрэглэх журам, Улсын байцаагчаас үйлдэх хяналт шалгалтын баримт бичиг, стандарт шаардлага, Архив баримт бичиг хөтлөлт, Ургамлын ховор ховордсон төрөл зүйлүүдыг таньж тодорхойлох, талх чихэр боов, гоймон, сүү, сүүн бүтээгдэхүүний үйлдвэрлэлд тавих хяналт зэрэг сэдвүүдээр сургалт явагдав. Сургалтын үеэр аймгийн МХГ-ын Авлига, хүнд сурталгүй, ёс зүйтэй хамт олныг төлөвшүүлэх Мэдэгдлийг нийт сумдын улсын байцаагчдад уншиж танилцуулан мэдэгдэлд гарын үсэг зурж баталгаажууллаа.
Нээлттэй хаалганы өдрийг зохион байгуулавСумдын байцаагчдын сургалтын үеэр аймгийн МХГ-ын ДББОУУХХ-ээс нээлттэй хаалганы өдрийг зохион байгуулсан ба сургалтанд оролцсон нийт улсын байцаагчдад байгаль орчин, авто зам, барилга зэрэг 10 чиглэлийн гарын авлага, зөвлөмж боловсруулан тарааж, аймгийн МХГ-ын дарга, сумдын Засаг дарга, суманд ажиллаж байгаа Байгаль орчин, ХАА-н байцаагчдын гурвалсан гэрээний биелэлтийг дүгнэн хэлэлцэж 2014 оны гэрээнд гарын үсэг зурж баталгаажуулав. Мөн сургалтанд оролцогчид МХЕГ-ын Байгаль орчин, геологи, уул уурхайн газрын удирдлагуудтай цахим сүлжээгээр холбогдож 2014 онд байгаль орчны чиглэлээр баримталж буй зорилго, зорилт, эрсдэлд суурилсан хяналт шалгалт, зөвлөн туслах үйлчилгээний талаар мэдээлэл, үүрэг чиглэл авсан юм. Сургалтанд оролцсон байцаагчдаас сургалтын үр дүнгийн талаар санал асуулга авч сургалт 98%-ийн үзүүлттэй хангалттай гэж дүгнэлээ.
