Улаанбаатар хотын замын хөдөлгөөний ачааллыг бууруулахын тулд нийслэлээс шат дараатай цогц арга хэмжээг хэрэгжүүлж байгаа ч Тээврийн хэрэгслийн өсөлтөөс хамаарч түгжрэл нэмэгдэж байгаа гэдгийг холбогдох газраас хэлж байна. Тиймээс цаашид нийслэлийн замын түгжрэлийг багасгах талаар ямар ажлыг хийвэл зохистой талаар иргэдээс санал асуулга авсан байна. Эхний санал асуулгад нийт 660 гаруй иргэн саналаа өгснөөс гадна 800 гаруй иргэн www.ulaanbaatar.mn цахим хуудсаар дамжуулан санал хүсэлтээ илэрхийлжээ.

Тус санал, асуулга нь долоо хоногийн дараа дуусах бөгөөд иргэд та бүхнийг өргөнөөр оролцохыг холбогдох газраас уриаллаа.