Нийслэлээс авсан авто зам, барилга байгууламжийн ажлаа дутуу хийсэн, геологи хайгуулын дүгнэлтийг буруу гаргасан болон гэрээгээр хүлээсэн үүргээ биелүүлээгүй гүйцэтгэгч аж ахуйн нэгж, байгууллагуудын жагсаалт гарчээ.

Бид энэ удаа авсан ажлаа дутуу хийсэн буюу хаяж явсан компаниудыг танилцуулж байгаа бөгөөд дараах компаниудыг Сангийн яамны тендерийн хар жагсаалтад бүртгүүлэх  санал гаргах гэнэ.

1. "Нэмүт" ХХК - БЗД-22-р хороо Зүүн алтан өлгий АТП-2183 дэд станцын зүүн талд

-Гэрээнд заасан  үүргээ биелүүлээгүй, ажлаа хаяж явсанаар гэрээ цуцлагдсан. Алданги тооцож 3.990.000 төгрөгийн торгууль ногдуулжээ. Үлдэгдэл хөрөнгө 11  сая төгрөгөөр ажлыг УБЦТС ХК-ний Зүүн түгээх сүлжээ төв  гүйцээж дуусгасан байна. 

2. "Мот металл "ХХК -БЗД-ийн 27-р Хороо, өрхийн эмнэлэг, цагдаагийн хэсгийн нэгдсэн байрны барилга байгууламжийн угсралтын ажил.

-2011 онд "Мот металл" ХХК -тай 307.5  сая төгрөгөөр ажил гүйцэтгүүлэх гэрээг байгуулсан. Захиалагч байгууллагаас хянан баталгаажуулж ирүүлсэн ажлын гүйцэтгэлийг үндэслэж тус компанид 180.0  сая төгрөгийн санхүүжилтийг олгосон . Гэтэл геологийн дүгнэлт , зураг төсөв алдаатай байснаас шалтгаалан хөрсний ус их хэмжээгээр гарч , ажил гүйцэтгэхэд хүндрэл үүссэн байна. Тус шалтгаанаар "Мот металл" ХХК ажлаа хийлгүй орхисноос гэрээний хугацаа дуусгавар болсон. Иймд захиалагчийн зүгээс гэрээг цуцлан "Боршоон ундраа" ХХК-иар үлдэгдэл ажлыг 303.0 сая төгрөгөөр гэрээ байгуулан гүйцэтгүүлсэн байна. Ажил дууссан боловч хөрсний ус зоорь луу нэвчиж байгаа тул мэргэжлийн хяналтын улсын байцаагчийн дүгнэлт гаргасан байна.Өнөөдрийн байдлаар барилгыг ашиглалтанд авах боломжгүй болоод байна.

3. "Асати Монгол" ХХК -ЧД, Агаарын тулгуур баганат технологиор мөсөн гулгуурын талбай бүхий спорт цогцолбор байгуулах барилга угсралтын ажил.

Зөрчил:

-Сангийн сайдын 135-р тушаалын дагуу урьдчилгаа төлбөрийн банкны баталгааг үндэслэн санхүүжилт 270.0 сая төгрөгийн санхүүжилтийг олгосон.ЧД-ээс тус ажлын гэрээг цуцалж 2012 онд шүүхэд хандсан.2014 онд мөн дахин нэхэмжилсэн байна. Иймд батлагдсан хөрөнгийн үлдэгдэл болох 630.0 сая төгрөгийг төсөвт буцаан татсан

4. "Номгон Хайрхан "ХХК - Эрчим хүчний хэмнэлттэй орчин үеийн тэргүүний дэвшилтэт цахилгаан зуух, цахилгаан болон хийн халаагуурыг гэр хороолллын айл өрхөд нэвтрүүлэх /цахилгаан зуух/.

Зөрчил:

-Сангийн сайдын 135-р тушаалын дагуу захиалагч байгууллагаас ирүүлсэн албан бичиг,  урьдчилгаа төлбөрийн банкны баталгааг үндэслэн санхүүжилтийг олгосон. Тус компани гэрээг хэрэгжүүлээгүйн улмаас цуцалж, Сүхбаатар дүүргийн шүүхэд 2013.06.25- ний 1/351 тоот нэхэмжлэл гаргасан боловч Сүхбаатар дүүргийн шүүхээс Иргэний хэрэг шүүхэд хянан шийдвэрлэх тухай хуулийн 14-р зүйлийн 14.2-т "Хариуцагч нь Хуулийн этгээд байвал нэхэмжлэлийг түүний ажил хэргээ байнга явуулдаг , эсхүл удирдах байгууллага нь байгаа газрын шүүхэд хандана " гэж заасан бөгөөд хариуцагч  компани нь Баянхонгор аймаг, Номгон 1-р баг байдаг бөгөөд нэхэмжлэгч нь шүүхэд нэхэмжлэл гаргахдаа шүүхийн харъяалал зөрчсөн байх тул татгалзсан байна.  Захиалагч байгууллагын зүгээс одоог хүртэл тодорхой арга хэмжээ авалгүй өдийг хүрсэн байна.

5.  "Монгол асфальт" ХХК - Улаанбаатар хотын авто зам барилга, засварын ажилд хэрэглэгдэх асфальтбетон нийлүүлэх гэрээ.

Зөрчил:

-2012 онд Нийслэлийн Автозамын салбарт хэрэгжүүлэх хөрөнгө оруулалтын ажилд хэрэглэгдэх асфальтбетон хольц нийлүүлээгүй байна. Үлдэгдэл асфальтбетон хольцыг нийлүүлж, гэрээний үүргээ биелүүлэхийг "Монгол асфальт" ХХК-д удаа дараа шаардсан. Эрүүгийн цагдаагийн газарт шалгуулж байгаа.

6. "Товуу засаг " ХХК - Багануур дүүргийн 26-27 дугаар байрны дундах тохижилтын ажил.

Зөрчил:

-Ажлын гүйцэтгэл 70  хувьтай дутуу орхин сураггүй алга болсон. Хаяган дээрээ байхгүй.

7. "Чи Чи Ха Ар хот төлөвлөлт инженеринг" ХХК болон туслан гүйцэтгэгч "Бэрх зараа" ХХК - 22-ын Товчоо чиглэлийн 10.6 км авто замын өргөтгөл шинэчлэлт  

Зөрчил:

-Гэрээт хугацаандаа ажлаа дуусаагүй, ажил чанаргүй хийгдсэн.