Байгаль орчны сайд асан Д.Цогтбаатар нэгэн бичлэгт сонирхолтой тайлбар хийжээ.

Тодруулбал тэрээр "Энэ "post"-ыг дахиж "share" хиймээр байна. Хүний зовлонгоор зугаа хийхийг монголчууд цээрлэдэг. Энэ ертөнц дээр амаргүй амьдарч буй хүмүүсийг харуулж, биднийг "тайвшир, бүх юм л сайхан байна шүү дээ" гэдэг сатааруулах гэсэн санаа үүнээс үнэртээд байх шиг... Арай эрх баригчид маань аргаа бараад ийм далд ёс суртахуунгүй сурталчилгаа явуулж байгаа юм биш биз? Өөрөөсөө дор амьдарч буй хүнд туслахыг л бодохоос биш, тавлаж, өөрсдийгөө дөвийлгөх зорилгоор ашиглах нь яасан ядарсан алхам бэ? Тэгээд ч өөдлөх хөгжих орон өөрийн замналыг төсөөлөхдөө өмнөө яваагаатайгаа харьцуулдаг байх. Илүү хурдацтай хөгжих бүх нөөц боломж байхад бүрч ийм баримжаатай байх ёстой.

Тэгээд ч тавьж буй зургаа ч ойлголгүй "гүн асуудал" хөндөх гэснийг нь тохуурхмаар. Тэр үхрийн сүүлнээс барьсан, үхрийн ард толгойгоо угааж буй зургийг огт ташаа тайлбарласан байна. Өмнөд Суданы зарим нүүдэлчин овгууд үнээгээ эвлүүлэх, үсээ улаан шаргал болгох зан үйлийн тухай зургуудыг усгүйдэж, харангадсан хүмүүсийн тухай болгон тайлбарласан байх юм. Хэрэв үүнийг мэдсээр байж ийм төөрөгдүүлэх маягаар хийсэн бол Монголыгоо даяаршсаныг гүйцэд ойлгоогүй л байна. Мэддэг аавын хүү/охин олдоно шүү дээ.

Энэ танилцуулганд буй хүмүүсээс сайхан аж төрж буйгаараа "таашааж" амьдрана гэвэл бидний сүүлийн жилүүдэд хийсэн олон амжилт ахиц утгагүй болох нь байна. Коммунизмын дарангуйллын үед ч монголчууд эдгээр зурган дээр буй хүмүүсээс дээр амьдарч байсан. Тэгээд түүндээ ханаад эрх чөлөөг хүсэхгүй байх байсан юм уу?

Ер нь урагшаа, бас өөдөө харж амьдарцгаая!!! Энэ танилцуулгаас нэг зүйлтэй харин санал нэгдэж байна Амьдрал сайхан шүү!!!" гэжээ.