Уулзалт ярилцаганд монгол талаас Улсын Ерөнхий Прокурорын туслах, ЭЗТГХХ-ийн дарга Г.Ганзориг, Улсын Ерөнхий Прокурорын туслах, Тамгын газрын дарга Б.Үнэнбат, Улсын Ерөнхий Прокурорын туслах, ССТ захирал Л.Болд, Хэвлэл мэдээлэл, олон нийттэй харилцах албаны дарга Т.Сүхбаатар болон Баян-Өлгий аймгийн прокурор Т.Батсүх, Дорнод аймгийн прокурор Ц.Нямтайван, Завхан аймгийн прокурор Н.Доржсүрэн, Сэлэнгэ аймгийн прокурор Г.Чагдар, Увс аймгийн прокурор Т.Мөнхбаяр, Хөвсгөл аймгийн прокурор А.Аварзэд, Хэнтий аймгийн прокурор Б.Энхбаяр, УЕПГ-ын хяналтын прокурор Г.Ганчимэг, УЕПГ-ын хяналтын прокурор Э.Болор-Эрдэнэ, УЕПГ-ын, ЭЗТГХХ-ийн ахлах референт Г.Ууганболор нар оролцох бол ОХУ-аас Монгол Улсад суугаа онц бөгөөд  бүрэн эрхт Элчин Сайд Азизов Искандер Кубарович, ОХУ-ын ЕПГ-ын Эрх зүй, гадаад хамтын ажиллагааны газрын орлогч дарга Тычинин Андрей Михайлович, ОХУ-ын ЕПГ-ын Эрх зүйн, гадаад хамтын ажиллагааны газрын, Зүүн азийн хөрш орнуудын эрх зүйн туслалцаа, хамтын ажиллагааны хэлтсийн  ахлах прокурор Пыж Владимир Александрович, ОХУ-ын БНАлтай Улсын Ерөнхий прокурорын нэгдүгээр орлогч Шухин Сергей Николаевич, ОХУ-ын БНБуриад Улсын Ерөнхий прокурорын нэгдүгээр орлогч Муравьев Александр Кириллович, ОХУ-ын БНТува Улсын Ерөнхий прокурорын орлогч Бадмаев Бадма Менкеевич, ОХУ-ын Забайкальск хязгаарын  прокурор Фалилеев Владимир Александрович нар оролцох ажээ.

Тус арга хэмжээний үеэр эрүүгийн хэргийн талаар эрх зүйн туслалцаа үзүүлэхэд тулгамдаж байгаа болон анхаарах асуудлууд Монгол улсын Ерөнхий Прокурорын газар, ОХУ-ын Ерөнхий Прокурорын газрын хооронд хамтран ажиллах тухай хэлэлцээрийн хэрэгжилт цаашид хамтын ажиллагааг хөгжүүлэх асуудлаар санал солилцож зарим тодорхой асуудлуудыг хэлэлцэж шийдвэрлэх юм.

Уулзалт ярилцлагад оролцогсдыг Монгол Улсын Ерөнхий прокурор, Төрийн Хууль Цаазын Тэргүүн зөвлөх Д.Дорлигжав хүлээн авч уулзах бөгөөд цаашид 2 улсын прокурорын байгууллагын хамтын ажиллагааг хөгжүүлэх чиг хандлагыг тодорхойлж санал солилцох ажээ.