Хэрвээ хайрттай чинь холбоотой гомдол эдгээр зүйлст хамаарагдах бол “Больё больё, босъё” хэмээн зориглон хөдлөөрэй. Зүгээр суугаад л байвал энэ чигээрээ хэчнээн ч удаан үргэлжилж мэдэхээр нөхцөл байдал байна шүү!

1. “Хэлэх юмаа хурдан хэл, би явлаа” гэж шавдуулах үед

Үгийг чинь дуустал нь сонсохыг хүсэхгүй байна гэдэг чамайг ойлгоё гэж бодохгүй байгаатай ижил юм. Ийм үед шууд уурлахын оронд өөрийнхөө байдлыг товчхоноор тайлбарлаад “Гэхдээ дараа энэ тухай нухацтай ярилцмаар байна” гээрэй. Хэрвээ маргаан гарах болгонд тэр энэ үгийг хэрэглээд байвал яагаад чи өөрөө ямар нэгэн шийдэл бодож болохгүй гэж?

2. Уйлахыг чинь юман чинээ тоохгүй үед

Эмэгтэй хүн уйлахад ямар ч эр хүн тэвдэж, яахаа мэдэхгүй сандардаг. Тэгээд аль болох тайвшруулж, аргадахыг боддог нь хүн үүссэн цагаас л шалгарсан үнэн юм. Гэтэл тэр нулимсыг чинь арчиж өгөх тухай биш хажуу талд машин хэрхэн шахаж тавьсан талаар бодоод байвал... Юу гэж хэлэхийг минь чи мэдэж байгаа.

3. Үргэлж чамайг “Хүрээд ир” гэж дуудах үед

Сүүлийн 6 сарын турш та хоёр романтик болзоо хийгээгүй байхад ч тэр чамайг үргэлжлүүлэн гэртээ, шөнө оройн цагаар дуудсаар байвал анхаарлын дохиогоо асаах хэрэгтэй гэсэн үг. “Би гэртээ ирчихлээ. Одоо хүрээд ир”. Танил сонсогдож байна уу?

4. Олон нийтийн газар чам руу хашгирвал

Хэрвээ ийм зүйл тохиолдвол тэр нэг бол зүгээр л уураа хянаж чаддаггүй хүн эсвэл түүний чамайг гэх хүндлэл бүгд алга болсон байна гэж үзэх хэрэгтэй. Хүндэлдэг хүнээ харааж, чангаар хашгирч, олон нийтийн газар эвгүй байдалд оруулна гэж үү? Хэзээ ч үгүй.

5. Секс хүсэхгүй байвал

Эрэгтэй хүнд секс хүсэхгүй байх олон шалтгаан байж болно л доо. Ажлын стресс, сэтгэл санааны хямрал, өвчин гээд л. Гэхдээ бодоод үз дээ, тэр чинь ЭРЭГТЭЙ хүн шүү дээ! Ямар эрэгтэй хүн гэхээрээ эмэгтэй хүнийг өдөөж, сэрлийг нь хөдөлгөж, байж ядтал галзууруулахыг хүсэхгүй байна гэж? Хэрвээ тэр гей биш л бол чамайг хүсэх ёстой. Харин үгүй бол чи түүнтэй ярилцах хэрэгтэй гэсэн үг. Илүү том асуудал болохоос нь өмнө яагаад ийм зүйл болоод байгаа, яаж засах талаар шийдвэрлэх ёстой шүү.

6. Жижигхэн зүйл болгонд тэр бухимддаг бол

Бага байхаас л аав маань, ах маань “Эрэгтэй хүн юм бодолхийлж байвал дуустал нь хүлээх хэрэгтэй. Өөрөө шийдчихээд зүв зүгээр, дуу шуутай болоод ирнэ” гэж хэлдэг байсан ч энэ тохиолдол арай өөр. Тэр амьдралдаа байгаа бараг л бүх зүйлст бухимдаж, хэчнээн жижигхэн, түр зуурынх гэдгийг нь ч тоолгүй гомдоллож, өөртөө стресс цуглуулаад байвал түүний асуудал чухам юунд оршиж буйг таамаглах гээд үзээрэй. Чи хэчнээн сайхан сэтгэлтэй байсан ч ийм хүнтэй насан туршдаа хамт амьдарахад хэцүү шүү дээ.

7. Тэр зөвхөн өөрийгөө л боддог бол

Харилцаанд гарч буй шийдвэр болгон чамд хохиролтой, түүнд ашигтайгаар эргэдэг бол энэ нь сайны дохио яавч биш. Хэдийгээр хосын дунд нөхцөлгүй хайр байх ёстой боловч тэнцвэртэй тохиолдолд л та хоёрт зөвөөр үйлчилж чадна. Мөн хамт байхдаа тэр өөрийнхөө тухай амаа чилтэл ярьж, сонин сайхнаа гайхуулдаг хэрнээ чиний бодол бөгөөд амжилтын тухай ярилцахгүй, сонирхохгүй байвал тугаа өргөөд анхааруулахад бэлдээрэй. Тугаа өргөнө, гэрлээ асаана, анхааруулна гэдэг нь сална гэсэн үг биш. Салахыг зөвлөж байгаа ч юм биш. Харин “Би ийм байж чадахгүй нь. Яагаад гэвэл...” гээд түүнтэй шударгаар ярилцахыг л зөвлөж байгаа хэрэг юм.

Шударгаар, илэн далангүй ярилцах нь харилцааг ангал руу очихоос өмнө аврах нэгэн төрлийн гүүр билээ. Гүүр барих боломжтой байхдаа юу ч хийлгүй зүгээр явсаар ангал руу унах гэж үү?