Монгол Улсад NBA-гийн тоглолт албан ёсны эрхийн дагуу гараад 5 жили болсон. Тэгвэл Монголын Сагсан Бөмбөгийн Холбооны урилгаар манай улсад анх удаа арга хэмжээ хариуцсан ахлах Дэд Ерөнхийлөгч Марк Аронсон зочлох гэж байна.

Энэ сарын 10-нд ирэх тэрбээр гурван өдөр саатах бөгөөд түүний зорилго Сагсан Бөмбөгийн Наадамд хүндэт зочноор оролцох юм.

Ноён Аронсон нь NBA-гийн олон улсад зохион байгуулагддаг бүхий л арга хэмжээг хариуцдаг ба $80 сая гаруй ам.долларын төсвийн зарцуулалтыг жилдээ удирдаж, Япон, ОХУ, Мексик, Бразил улсад NBA-гийн улирлын болон улирлын өмнөх тоглолт зохион байгуулах ажлыг хийж, Basketball Without Borders олон улсын томоохон хөтөлбөрийг дэлхийн өнцөг булан бүрт явуулахад голчлон шийдвэрийг гаргадаг эрхэм юм.