“Дууны урлаг” гэдэг байгалиас заяасан хосгүй авъяас билиг, хоолойны цараатай хүнд л хамаатай зүйл биш. Энэ зүйл хүний эрүүл мэнд болоод сэтгэлзүйд асар их эерэг нөлөө үзүүлж байдаг бөгөөд үүнийг шинжлэх ухааны үндэстэйгээр тайлбарлажээ.
Дархлааг сайжруулна. Германы “Univesity of Frankfurt” их сургуулийн тэргүүтэй олон эрдэмтэн, судлаачид дуулах нь хүний биеийн эсэргүүцлийг сайжруулж дархлааг тогтоодог гэнэ. Тус сургуулийн хувьд хотынхоо мэргэжлийн хоор дуу дуулаачдын дунд энэхүү судалгааг явуулсан бөгөөд Моцартын “Requiem”-ийг давтан эгшиглүүлж дуулахын өмнөх болон дуулсны дараах 60 минутын хугацаанд тэдний цусны бүтцэд гарсан өөрчлөлтийг харьцуулан судалсны дүнд ийм дүгнэлтийг хийсэн байна.
Стресс "баяртай".  “Дуулах” нь хүний биед ямар олон ач холбогдолтой болохыг тогтоосон олон судалгаа байдаг бөгөөд эдгээрээс дурьдвал цусны даралтыг бууруулж, зүрхний хэмнэлийг тогтворжуулахаас эхлээд өвдөлтийг намдааж, стресснээс ангижруулах гайхалтай эм болдог байна. Стрессээ ийн тайлах нь та биднийг тав тухтай унтаж амрахад чухал юм шүү.
Жингээ баримаар байна уу? Тэгвэл дуул. Нэн ялангуяа дуулах үед хүний нүүрний булчингууд идэвхитэй ажиллаж байдаг тул нүүрнийхээ галбирыг хэвийн байлгах, зарим тохиолдолд нүүрээрээ турах эерэг талтай байдаг ажээ. Мэдээж та дуулах дуртай нэгэн бол, хөгжмийн аялгуундаа эрхгүй бүжих нь ойлгомжтой. Тиймээс дан ганц нүүрээрээ гэлтгүй биеийнхээ аль идэвхитэй бүжиж байгаа хэсгүүдээрээ (ялангуйяа гэдсээрээ) турах, галбираа хадгалахад нэн тустай юм.
“Секс”-ийн дур хүслийг нэмэгдүүлнэ.  Хүний биеийн хүрэлцэх мэдрэхүйд чухал үүрэгтэй “окситоцин” хэмээх гормон нь тархинаас ялгарч таны сэрэл мэдрэхүй, таашаалд онцгой нөлөөг үзүүлдэг бөгөөд ердөө хэдхэн минут дуртай дуугаа дуулснаар та өөрийн тархинаас ялгарах “окситоцин”-ыхоо хэмжээг нэмэгдүүлж тэр хэрээр тань хайртыгаа таалах “секс”-ийн дур хүсэл төдий чинээ нэмэгдэх ажээ.
Тархиа амраа. Биднийг дуулах үед тархи болоод оюуны хөгжилд чухал үүрэгтэй “серотонин” хэмээх бодис ялгарч байдаг бөгөөд энэ нь аливааг эерэгээр бодож тунгаах, дүгнэлт хийх, бусадтай харилцах, өөрийгөө илэрхийлэхэд “чухал” нөлөөтэй амин дэм юм. Тархиндаа ийнхүү амралт алжаалыг мэдрүүлэхийн сацуу оюун ухаанаа хөгжүүлэх гормоныг ялгаруулах нь мэдээж ой санамжаа сайжруулахад ч тустай билээ.
Хэл зүгшрүүлж, ярих чадварыг сайжруулна. Эх хэл дээрээ төдийгүй харь нутгийн хэл дээр ч дуулдаг бай уушигны багтаамж сайжирч, зөв амьсгалахад суралцаад зогсохгүй хэл зүгшрүүлэх сайн талтай. Судалгаагаар, дуулах нь бие махбодын хувьд 58%, сэтгэл зүйн хувьд 75%, найз нөхөд, нийгмийн хүрээлэлд 85% “эерэг” нөлөө үзүүлсэн гэсэн дүн байдаг ажээ. Түүнчлэн өөрөө өөртөө итгэх итгэлийг нэмэгдүүлж олны өмнө чөлөөтэй илтгэх чадварыг нэмэх сайн талтай юм.
Хүн эхийн эвлийд байхаасаа дуулж эхэлдэг.  “Emeritus Emporia State University” их сургуулийн профессор Жон Ленноны үзэж байгаагаар бид эхийн хэвлийд байхаасаа өөрөө өөртөө дуулж торнидог бөгөөд хөгжмийн сонгодог аялгууг сонсгож, ээж нь ч гэсэн хамтран дуулах нь ургийн өсөлт - хөгжил болон мэдрэмжид гайхалтай нөлөө үзүүлдэг нь батлагдсан юм. Цэцэрлэгийн насны багачуудын дунд явуулсан судалгаагаар хүүхдүүд дуугаар дамжуулж ихийг танин мэддэг ажээ.
Хөгжим+Дуулах=Эмчилгээ. Дуу хөгжимтэй холбоотой эмчилгээний олон аргыг анагаах ухаанд нэвтрүүлж, энэ чиглэлээр эрдэмтэд судалгаа шинжилгээний олон дүгнэлтийг гаргаад багагүй хугацаа өнгөрчээ. Тархины гэмтэл авсан болон Алцхаймер өвчтэй хүмүүст хөгжмийн буюу дуулах эмчилгээ хийх нь үр дүнтэй байгаа нь ажиглагдаж байгаа бөгөөд хагалгаанд орох гэж буй өвчтөнд чихэвч зүүлгээд дуу сонсгох нь хагалгааны эдгэрэлт болон тухайн өвчтөний сэтгэлзүйд эерэг нөлөөтэй нь тогтоогдсон юм.
Эрүүл аз жаргалтай урт удаан амьдармаар байна уу? Байнгын дуу хуурын ритмлэг аялгуугаар бие болоод сэтгэлийнхээ цангааг “тайлан” яваа хэн ч залуу, цог золбоолог амьдралыг туулах нь лав. Хүн гэдэг сэтгэлийн амьтан учраас, сэтгэлээс гарсан хөг аялгуугаар тэтгэгдэх нь зүй билээ. Дуулах үед ялгардаг “энфорфин” хэмээх бодис нь биднийг эрч хүчтэй, дэврүүн уур амьсгалд хөтөлдөг учраас “хөгшрөлт”-өөс эмээх зүйлгүй боллоо. Магад насаараа урлагт  зүтгэсэн Монголын олон гайхалтай дуучид, жүжигчид маань сэтгэлийн аялгуугаа юугаараа тэтгэдэн “толиотой” яваа биз ээ.
Бусад... “University of Manchester” их сургуулийн эрдэмтэд чихний бүтцийн гүнд байрлах “Sacculus” хэмээх нэгэн жижигхэн эрхтнийг олж нээсэн бөгөөд энэ эрхтэн нь ихэвчлэн хөгжмийн тааламжтай аялгуунд хариу үйлдэл үзүүлж тархийг амраах, сэтгэл санааг тайвшруулах үүргийг гүйцэтгэдэг нь тогтоогджээ. Дуулах нь:

-Секс болон шоколадны нэгэн адил тархины шилдэг эм болдог.
-Амьсгалын эрхтэн тогтолцоог цэвэршүүлдэг.
-Сэрэл мэдрэлийг нэмэгдүүлнэ.
-Анхаарлаа төвлөрүүлж сурна.
-Темпераментийг тогтворжуулж өгнө.
-Яруу найргийн мэдрэмжийг дээшлүүлнэ