Төв аймгийн Зуунмод сумын Соёлын төвийг засаж, кино театр болгох ажил өнгөрсөн оны нэгдүгээр сараас эхэлжээ. Өдгөө кино театрын барилгын дотоод засал бүрэн дуусаж, кино дэлгэц, тоног төхөөрөмж суурилуулах ажил үлдээд буй.

30, 180 хүний суудалтай хоёр танхим, спорт, тоглоомын танхим, зоогийн газраас бүрдэх театрыг засварлахад ССАЖЯ 340 сая, Орон нутгийн хөгжлийн сангаас 500 орчим сая төгрөг зарцуулсан гэнэ.

Кино театрын тоног төхөөрөмжид мөнгө төсөвлөөгүй байсан учраас гаднын хөрөнгө оруулалтаар шийдвэрлэхээр болсон байна. Тодруулбал БНСУ-ын Кангво мужаас өнгөрсөн зургадугаар сард мэргэжилтнүүд  ирж, танилцаад 200 мянган ам.долларын тоног төхөөрөмжийн туслалцаа үзүүлэхээр болжээ.