-
2016 оны 9 сарын 03
2016 оны 09 дүгээр сарын 02-ны 21 цагаас 09 дүгээр сарын 03-ны 21 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Шөнөдөө нутгийн зүүн хэсгээр хур тунадас орно. Өдөртөө бороо орохгүй. Салхи зүүн хойноос секундэд 5-10 метр, нутгийн өмнөд хэсгээр секундэд 12-14 метр хүрч ширүүснэ. Алтай, Хангайн уулархаг нутгаар шөнөдөө 4 градус хүйтнээс 1 градус дулаан цочир хүйтэрнэ, өдөртөө 10-15 градус, Алтайн өвөр говиор шөнөдөө 10-15 градус, өдөртөө 21-26 градус, бусад нутгаар шөнөдөө 3-8 градус, өдөртөө 14-19 градус дулаан байна.
ТӨВИЙН АЙМГУУДЫН НУТГААР: Үүлэрхэг. Ихэнх нутгаар бороо, Хангай, Хөвсгөлийн уулсаар нойтон цас орно. Салхи зүүн хойноос секундэд 5-10 метр, зарим газраар секундэд 12-14 метр хүрч ширүүснэ. Сэрүүсч Хангай, Хөвсгөлийн уулархаг нутгаар шөнөдөө 1 градус хүйтнээс 4 градус дулаан, өдөртөө 8-13 градус, бусад нутгаар шөнөдөө 4-9 градус, өдөртөө 13-18 градус дулаан байна.
ЗҮҮН АЙМГУУДЫН НУТГААР: Үүлэрхэг. Шөнөдөө зарим газраар, өдөртөө ихэнх нутгаар бороо орно. Салхи зүүн хойноос секундэд 5-10 метр, зарим газраар секундэд 12-14 метр хүрч ширүүснэ. Шөнөдөө 7-12 градус, өдөртөө 16-21 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орно. Салхи зүүн хойноос секундэд 6-11 метр. Шөнөдөө 9-11 градус, өдөртөө 14-16 градус дулаан байна.
ГОВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө ихэнх нутгаар бороо орно. Дуу цахилгаантай. Салхи зүүн хойноос секундэд 5-10 метр, зарим газраар секундэд 14-16 метр хүрч ширүүснэ. Шөнөдөө Дундговийн нутгаар 7-12 градус, бусад нутгаар 10-15 градус, өдөртөө Дорноговийн нутгаар 19-24 градус, бусад нутгаар 15-20 градус дулаан байна.
УЛААНБААТАР ХОТ: Үүлэрхэг. Бороо орно. Салхи зүүн хойноос секундэд 5-10 метр, зарим үед секундэд 12-14 метр хүрч ширүүснэ. Шөнөдөө 7-9 градус, өдөртөө сэрүүсч 13-15 градус дулаан байна.
-
2016 оны 9 сарын 02
Иргэний улс төрийн эрхийн тухай хуулийн төслийн үр нөлөөний үнэлгээ, хууль зүйн дүгнэлтийг танилцуулав
-
2016 оны 9 сарын 02
Сингапур улсад “Зика” вирусын тархалт эрс нэмэгдэж, өвчлөгсдийн тоо 115-д хүрчээ. Үүнтэй холбогдуулан хөрш зэргэлдээ улсууд болох Индонез, Малайзад өндөржүүлсэн хяналт тогтоож, олон улсын нисэх буудлуудад гаднаас ирж буй зорчигчдын халууныг шалгах зэрэг арга хэмжээ авч эхлээд байна.
-
2016 оны 9 сарын 02
Шүүхийн шинжилгээний үндэсний хүрээлэнгийн захирал цагдаагийн хурандаа Х.Өлзийбаярыг өнөөдөр ажлаас нь чөлөөлж, оронд нь хурандаа Д.Батжаргалыг томилсон байна.
-
2016 оны 9 сарын 02
Гэр бүлийн хүчирхийлэлтэй тэмцэх тухай хуулийг 12 жилийн дараа шинэчлэн, өнгөрсөн хавар батласан.
-
2016 оны 9 сарын 02
Нийслэлийн Мэргэжлийн хяналтын газар бусад төрийн байгууллагуудтай хамтран Сонгинохайрхан, Баянзүрх, Багануур, Хан Уул, Налайх, Багахангай дүүргүүдийн 7 товчоонд өндөржүүлсэн бэлэн байдалд 24 цагийн хяналт шалгалтыг тогтмол хийж байна. Өнөөдөр Хан-уул дүүргийн мэргэжлийн хяналтын хэлтсийн улсын байцаагчид хууль бусаар түүсэн 450 гаруй кг цайруулсан самрыг илрүүлэн хурааж авсан байна.
-
2016 оны 9 сарын 02
Отгийн үйл ажиллагааг түр зогсоогоод байна
-
2016 оны 9 сарын 02
Нийслэлийн Статистикийн Газраас долоо хоног тутамд, хүнсний захаар худалдаалагдаж буй бүтээгдэхүүний үнэ болон өнгөрсөн долоо хоногийн үнийн дүнтэй харьцуулсан судалгааг гаргадаг. Энэ долоо хоногийн хүнсний бүтээгдэхүүний үнийг танилцуулж байна.
-
2016 оны 9 сарын 02
Авлигатай тэмцэх газраас нийтийн албанд томилогдохоор нэр дэвшигч 1498 иргэний “Хувийн ашиг сонирхлын урьдчилсан мэдүүлэг” (ХАСУМ)-ийг 2016 оны 07 дугаар сарын 20-ны өдрөөс 2016 оны 08 дугаар сарын 29-ний өдрийг хүртэл хугацаанд хүлээн авч, хянан шийдвэрлэснээс 1247 мэдүүлгийн хариуг холбогдох байгууллагад хүргүүлэв. 251 мэдүүлэг хянагдах шатандаа явж байна.
-
2016 оны 9 сарын 02
”Болд төмөр ерөө гол” ХХК-иас ирүүлсэн гомдлын дагуу УБТЗ-ын зарим үйлчилгээний үнэ тарифыг шалгахад ШӨХТГ-т хянуулж, зөвшөөрөл авалгүйгээр үнэ тарифаа нэмэгдүүлсэн зөрчил тогтоогдлоо. Улаанбаатар төмөр зам ХНН-ийн даргын ”Тарифын нэгдүгээр мөрдлөгт өөрчлөлт оруулах тухай” 2016 оны 6 дугаар сарын 20-ны өдрийн А-196 тоот тушаал гаргаж, вагоны хоосон гүйлтийн тарифыг нэмэгдүүлэн 2016 оны 7 дугаар сарын 01-ний өдрөөс эхлэн мөрдөхөөр шийдвэрлэсэн байна.
Улаанбаатар төмөр зам 2006 оны 03 тоот тогтоолоор зүй ёсны монополь байдалтай аж ахуй эрхлэгчээр тогтоосон байдаг бөгөөд Шударга өрсөлдөөн, хэрэглэгчийн төлөө газар нь зүй ёсны монополь байдалтай аж ахуй эрхлэгчийн үйл ажиллагаанд зохицуулалт хийхдээ Өрсөлдөөний тухай хуулийн 6 дугаар зүйлийн 6.1.2-т ”бодит зардлыг нь харгалзан тухайн бараа бүтээгдэхүүнийг борлуулах үнийн өөрчлөлтийг хянан зөвшөөрөл олгох.” гэж заасан байдаг. Гэтэл Улаанбаатар төмөр зам ХНН-ээс 2016 оны 6 дугаар сарын 20-ны өдрийн А-196 тоот тушаалаар вагоны хоосон гүйлтийн хөлсийг 0,3 коэффциентоор нэмэгдүүлэхдээ Шударга өрсөлдөөн, хэрэглэгчийн төлөө газраар үнийн өөрчлөлтийг хянуулж, зөвшөөрөл аваагүй нь дээрх хуулийн заалтыг зөрчсөн байна. Иймд Өрсөлдөөний тухай хуулийн 20.2, 20.3.1-т заасныг тус тус үндэслэн дээр дурдсан зөрчлийг арилгаж 2016 оны 9 дүгээр сарын 01-ний өдрийн дотор хариу ирүүлэх тухай улсын байцаагчийн албан шаардлагыг хүргүүлээд байна.
-
2016 оны 9 сарын 02
Их, дээд сургууль, коллеж, Мэргэжил сургалт үйлдвэрлэлийн төвийн оюутанд нийтийн тээврийн цахим төлбөрийн карт хэрхэн олгох талаар өнөөдөр нийслэлийн Боловсролын газар, эийслэлийн Хөдөлмөрийн газар болон “Улаанбаатар смарт карт” ХХК-ийн төлөөлөл мэдээлэл хийлээ. НИТХ-аар баталсан “Их, дээд сургууль, коллеж, МСҮТ-ийн сурагч оюутанд нийтийн тээврийн цахим төлбөрийн карт олгох, цэнэглэх, ашиглахад баримтлах журам”-ын дагуу хөнгөлөлттэй зорчих эрх бүхий оюутанд карт олгох ажлыг 2016-2017 оны хичээлийн жилд дараах байдлаар зохион байгуулахаар болжээ.
-
2016 оны 9 сарын 02
Шүлхий хотын хаяанд ирлээ
-
2016 оны 9 сарын 02
Улаан-Үд хот 350 жилийнхээ ойг тэмдэглэж байна
-
2016 оны 9 сарын 02
Нийслэлийг тойрсон автотээврийн шалган бүртгэх товчоодын дэргэд автомашин бүрт 500 төгрөгөөр ариутгал, халдваргүйжүүлэлт хийх болжээ.
Орон нутагт Тарваган тахал гарах эрсдэл өндөр байгаа болон малын гоц халдварт шүлхий өвчин гарсантай холбогдуулан Улаанбаатар хотыг тойрсон бүх хяналтын цэгүүдэд 24 цагийн хяналт, шалгалт ажиллуулж, ариутгал хийж байгаа аж.
Гоц халдварын бүс нутгаас нийслэл рүү зорчиж байгаа болон дайран өнгөрөх тээврийн хэрэгслээр малын гоц халдварт шүлхий өвчин газар аван халдварлах боломжтой байдаг. Иймд нийслэлийг тойрсон автотээврийн шалган бүртгэх товчоодын дэргэд ариутгал халдваргүйжүүлэлтийн цэгүүд ажиллуулж байна.
Мөн гоц халдварт шүлхий өвчин бүрэн усттал илэрсэн байгаа голомтоос мал, малын гаралтай бүтээгдэхүүн зөөвөрлөн авч явахгүй байхыг албаныхан анхаарууллаа.
-
2016 оны 9 сарын 02
Азийн Хөгжлийн Банкны “Улаанбаатар хотын хот төлөвлөлтийн үйл ажиллагааг сайжруулах төсөл”-ийн хүрээнд Дэлхийн хотуудын түншлэл форумыг Улаанбаатар хотноо зохион байгуулж байна.
-
2016 оны 9 сарын 02
Монгол Улсын Соёл урлагийн их сургуулийн эрдмийн зөвлөлөөс Төрийн хошой шагналт, Ардын жүжигчин, хөгжмийн зохиолч Н.Жанцанноров профессор цол хүртлээ.
-
2016 оны 9 сарын 02
Энэ оны эхний хагас жилийн байдлаар хүүхдийн болон эхийн эндэгдэл өмнөх оны мөн үеийнхээс нэмэгдсэнтэй холбогдуулан Эрүүл мэндийн сайдын баталсан удирдамжийн дагуу яамны яамнаас эх, хүүхдийн тусламж, үйлчилгээний асуудлаар цуврал цахим хурлыг хийж байна.
Цахим хурлаар энэ сарын 30,31 - ны өдрүүдэд Өвөрхангай аймгийн ЭМГ, мөн энэ оны эхний 7 сарын байдлаар эхийн эндэгдэлгүй ажиллаж байгаа Баян –Өлгий, Булган, Говь – Алтай, Говьсүмбэр, Дундговь, Завхан, Орхон, Сэлэнгэ, Төв, Увс, Хэнтий аймгийн эрүүл мэндийн газрын мэдээллийг сонсож, сайн туршлагаасаа бусадтайгаа хуваалцлаа.
Хурлаар аймаг, нийслэлийн эрүүл мэндийн байгууллагаас жирэмсний илрүүлэлт, хяналтын байдал, төрөх үеийн эх барихын яаралтай болон мэргэжлийн тусламжийн байдал, яаралтай тусламжийн эрэмблэн ангилалт, яаралтай тусламжийн тасаг, нэгж, төрөх өрөөний эм, хэрэгсэл, багаж, тоног төхөөрөмжийн бэлэн байдал,төрсний дараах эргэлт, 5 хүртэлх насны хүүхдийн өвчлөл, эндэгдлийн байдал, магадлан хэлэлцсэн дүн, хүний нөөцийг танилцуулсан юм. Мөн яамнаас эх, хүүхдийн эрүүл мэндийн тусламж, үйлчилгээний чиглэлээр гарсан тушаал, шийдвэрүүд, эх, нярайн эндэгдэлд хийсэн мэргэжлийн дүгнэлт, сургамж, цаг үеийн асуудлаар шуурхай мэдээлэл тогтмол хийж байх юм.
Ингэснээрээ аймаг, нийслэлийн эрүүл мэндийн байгууллагын эх, хүүхдийн эрүүл мэндийн тусламжинд гарсан хүндрэл бэрхшээл, ололт амжилт, цаашид сайжруулах арга замыг тордорхойлох, эх, хүүхдийн эндэгдэл гарсан хойно биш гарахаас нь өмнө урьдчилан сэргийлэх эх, хүүхдийн эрүүл мэндийн мэдээллийг цаг тухайд нь солилцох, тусламж, үйлчилгээний зохион байгуулалтыг нэгдсэн удирдлагаар хангах талаар хэлэлцэн бодлогын шийдвэр гаргах ач холбогдолтой гэж үзэж байна.
-
2016 оны 9 сарын 02
Өчигдөр буюу есдүгээр сарын 01-ний өдөр найман хүүхэд зам тээврийн осолд өртжээ. Тэдний гурав нь хичээлээ тараад асран хамгаалагчгүй явж байхдаа зам тээврийн осолд өртсөн байна.
-
2016 оны 9 сарын 02
Самрын модноос иргэд унаж амиа алдсаар байна
-
2016 оны 9 сарын 02
Нийслэлийн өмчит ерөнхий боловсролын сургуулийн “Үдийн цай” хөтөлбөрийг хэрэгжүүлэгч цайны газрын түрээслэгчийн сонгон шалгаруулалтыг Нийслэлийн Өмчийн харилцааны газар Улаанбаатар хотын Захирагчийн ажлын алба, Нийслэлийн Боловсролын газар, Нийслэлийн Эрүүл мэндийн газар хамтран зохион байгуулсан. Сонгон шалгарууллалтаар шалгарсан үдийн цай хөтөлбөрийг хэрэгжүүлэгч цайны газрын түрээслэгчээр шалгарсан аж ахуйн нэгжүүдийг танилцуулж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
