-
2016 оны 8 сарын 04
Энэ сарын 3-ны өдөр нэгэн иргэн автомашины тэвшнээс унаж амиа алдсан харамсалтай хэрэг гарчээ.
-
2016 оны 8 сарын 04
Ойрын өдрүүдэд бороо хур ихтэй байгаатай холбогдуулан дүүргийн Онцгой байдлын хэлтсээс үерийн аюулаас урьдчилан сэргийлэх арга хэмжээний ажлыг зохион байгууллаа. Тус ажлын хүрээнд үерийн аюултай бүсэд буусан айл өрх, болон гол дагуу зугаалж байгаа иргэдэд үерийн аюулаас сэргийлэх санамж, материал тараан, сэрэмжлүүлэг, заавар өгсөн аж. Мөн үерийн улмаас үүссэн хог хаягдлыг шуурхай цэвэрлэж, ариутгал, халдваргүйтгэл хийх судалгааг гарган холбогдох албаныханд хүргүүлжээ. Түүнчлэн долдугаар сарын 28-нд нийслэл хотод орсон түр зуурын хүчтэй аадар борооны улмаас хотын зүүн хэсэг буюу Баянзүрх, Сүхбаатар, Чингэлтэй, Баянгол дүүргийн хойд хэсэг их хэмжээний усанд автсан. Тухайлбал, Баянзүрх дүүргийн 1, 2, 5, 6, 7, 8, 9, 13, 14, 18, 19, 22, 27 дугаар хороо, Монелын гудамж, Дунд дарь эхийн гудамж, Алтан өлгий, Шар хадны гудамж, Дүүргийн гудамж, Сэлбийн гудамж, Эрдэнэ толгойн гудамж, Цэргийн хотхон, Голден вилл хотхон, Зүүн хүрээ хотхон, 57 дугаар байр, 93/А байр, 38/А байр, Татварын хэлтэс, Цэцэрлэгжилт ХХК, Консулын гудамж үерт автсан зэрэг 61 дуудлага хүлээн авчээ. Энэ үеэр дүүргийн Онцгой байдлын хэлтсээс 30 хүний бүрэлдэхүүнтэй, 4 автомашинтай бүлэг үерийн усыг соруулан, зөвөлгөө өгч шуурхай арга хэмжээ авч ажилласан байна.
-
2016 оны 8 сарын 04
Зүүн хойд Азийн хотуудын дарга нарын гурав дахь удаагийн форумыг нээж, Нийслэлийн Засаг дарга бөгөөд Улаанбаатар хотын Захирагч С.Батболдын хэлсэн үгийг бүрэн эхээр нь хүргэж байна.
Зуны дэлгэр сайхан энэ өдөр Монгол Улсын нийслэл Улаанбаатар хотыг зорин ирж, “ Хотуудын ногоон өсөлт, эрчим хүчний ногоон шийдлүүд” сэдвийн хүрээнд чуулахаар хүрэлцэн ирсэн эрхэм хүндэт зочид, төлөөлөгчид та бүхнийг манай хотод тавтай зочлохыг хүсье.
Сар хүрэхгүй хугцааны өмнө Улаанбаатар хотноо дэлхийн 53 орны төр засгийн түвшиний өндөр дээд хэмжээний уулзалт зохион байгуулагдсан. Ази Европын дээд хэмжээний 11 дэхь удаагийн чуулга уулзалтын дараа энэ удаагийн форум болж байгаагаараа өмнөх хуралдаануудаас онцлог гэдгийг тодотгоё.
Энэ өдрүүдэд бид дэлхий нийт, бүс нутгийн хувьд тулгамдсан асуудал болоод байгаа “Эрчим хүчний ногоон шийдлүүд” ийн талаар хөндөн ярилцаж, Зүүн хойд Азийн хотуудын хөгжилд дэвшил авчрах хэлэлцүүлгийг өрнүүлж, уриалга гаргана гэдэгт Улаанбаатар хотын дарга би итгэлтэй байна.
Зүүн хойд Азийн хотын дарга нарын форум нь 3 дахь жилдээ чуулж байна. Өмнөх 2 жилийн форумд хотын дарга нар олон сонирхолтой сэдвээр илтгэл тавьж, үр дүнтэй хэлэлцүүлэг өрнүүлж, иргэдийн тав тухтай амьдралыг хангах орчин үеийн шийдлүүдийг авч хэлэлцэн, уриалга гаргасан билээ. Бид зөвхөн Зүүн хойд Азийн хотуудын асуудлыг биш даяаршиж байгаа дэлхий ертөнцийн бүхий л хотод тулгамдаж байгаа сэдвийг хөндөж ярилцдагаараа энэ форумын онцлог, үр дүн оршиж байна.
Өнгөрсөн оны форумаас гарсан уриалгыг Улаанбаатар хот 2015 оны 12 дугаар сард Парис хотод болсон “Нэгдсэн Үндэстний байгууллагын Уур амьсгалын өөрчлөлтийн суурь конвенцын 21 дүгээр талуудын бага хурал”-д өргөн барьж танилцуулсаныг та бүхэнд өнөөдөр энэ индэр дээрээс дуулгахад таатай байна.
Хот болгонд өөрийн онцлогоос хамаарсан шийдвэрлэх шаардлагатай олон асуудлууд байгаа хэдий ч эрчим хүчний эх үүсвэр, үйлвэрлэл, хангамж нь нийтлэг асуудал бөгөөд ойрын хугацаанд нөөцийн хэмнэлттэй, ногоон шийдлээ хүлээж байна. Бүс нутгийн хотууд энэхүү асуудлыг шийдэж чадсанаар Нэгдсэн үндэстний байгууллагаас дэвшүүлж Тогтвортой хөгжлийн зорилгуудыг хангахад чухал ач холбогдолтой юм.
Тиймээс бид бүс нутгийн хотуудад тулгамдаж буй асуудлуудыг нэгдэн хэлэлцэж, туршлага солилцон, оновчтой шийдвэрлэх арга замаа хамтран эрэлхийлж, хамтран хэрэгжүүлж ажилласнаар бүс нутгийн болон дэлхийн ногоон хөгжилд хувь нэмрээ оруулах юм.
Улаанбаатар хотын оршин суугчдад тав тухтай амьдрах орчинг бүрдүүлэх, Дэлхийн уур амьсгалын өөрчлөлтийг сааруулах, дасан зохицох чадварыг бий болгох, аюулгүй ногоон хотыг цогцлоох үүднээс бид “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 оны чиг хандлага” болон үндэсний Ногоон хөгжлийн бодлоготой уялдуулан “Улаанбаатар хотын 2020 он хүртэлх ногоон хөгжлийн стратеги, үйл ажиллагаа”-г тодорхойлж, батлан, хэрэгжүүлж эхлээд байна.
Зүүн Хойд Азийн бүс нутгийн хотууд бид энэхүү хамтын ажиллагаагаа тасралтгүй үргэлжлүүлж, яриа хэлэлцүүлгээс урган гарсан санал, шийдлүүдийг нэгтгэн хөгжлийн хамтарсан уриалгыг боловсруулж, хэрэгжүүлсэнээр дор бүрнээ цаг хугацаа, хөрөнгө мөнгө хэмнэх боломж бүрдэх юм.
Улаанбаатар хот “ Хотын ногоон өсөлт” ийг ямагт дэмжиж, манлайлан оролцоно гэдгээ илэрхийлье. Ногоон хөгжлийг хангасан Ногоон хот болох зорилтыг бид тавьж байна.
Эцэст нь хэлхэд “ Хотын ногоон хөгжил” ийн асуудлаар тогтмол уулзалтыг зохион байгуулж, хотуудын хамтын ажиллагааг өргөжүүлж, шийдвэрлэх арга замаа тодорхойлж, хөгжлийн бодлого чиг хандлагаа нэгтгэхэд энэ форумын бас нэг ач холбогдол оршиж байна.
Өдрөөс өдөрт хувьсан өөрчлөгдөж байгаа дэлхийн цаг уурын өөрчлөлтийг шийдвэрлэхэд Зүүн хойд Азийн хотууд манлайлагч байж, өөрсдийн өмнө тулгамдсан болон нийтлэг эрх ашгийг хөндсөн асуудлаар хамтран ажиллаж, харилцан туршлага солилцож, хамтын шийдлийг гаргаж, олон улсын тавцанд тэргүүлэгч байхыг уриалж байна.
Энэ хуралд оролцохоор ирсэн зочид төлөөлөгчид өчигдөр манай хотод ирэхэд 37 хэмийн халуун байсныг анзаарсан байхаа. Өнөө өглөө 30 хэмийн дулаан байна. Жилээс жилд монгол улсын нийслэл улаанбаатар хотод цаг уурын өөрчлөлт илт мэдрэгдэх болсон. Манай зочид энэ өдрүүдэд анзаарна.
Ийм цаг үед нарлаг Улаанбаатар хотод Зүүн хойд Азийн хотууд, бүс нутаг, дэлхийн хэмжээний асуудлыг хэлэлцэхээр ирсэн зочид , төлөөлөгчид та бүхэндээ Улаанбаатар хотын иргэдийн өмнөөс болон хувиасаа тавтай морилно уу гэж урья.
Зүүн хойд Азийн хотын дарга нарын 3 дахь удаагийн форум нээгдсэнийг мэдэгдье.
-
2016 оны 8 сарын 04
Өчигдөр золгүй байдлаар дөрвөн иргэн амиа алдсан харамсалтай хэрэг цагдаагийн байгууллагад бүртгэгджээ.
-
2016 оны 8 сарын 04
Архангай аймгийн Тариат сумын нутаг Цэцэрлэг-Тосонцэнгэл чиглэлийн улсын чанартай автозамд байрлах Тэрхийн голын гүүр эвдэрч, зорчигчид гарч чадахгүй нөхцөл байдал үүссэн. Нөхцөл байдалтай уялдуулан манай Зэвсэгт хүчний дайчид Тэрхийн голын гүүрэнд түр гүүр байрлуулж, зорчигчдод туслах болсон. Тодруулбал, өнгөрсөн долдугаар сарын 6-наас эхлэн өнөөдрийг хүртэл цэргийн алба хаагчид тээвэрчин, зорчигчдын аюулгүй зорчиход тусалсаар байна. Зэвсэгт хүчний байрлуулсан түр гүүрээр одоогийн байдлаар 20 мянга гаруй зорчигч нэвтрэхэд туслалцаа үзүүлсэн байна. Аялал жуулчлалын улиралтай холбогдуулан зорчигчид их байгаа бөгөөд долоо хоногт дунджаар 3000 гаруй хүн гүүрээр нэвтэрдэг байна. Зэвсэгт хүчний 234 дүгээр ангийн дайчид түр гүүрэн дээр ажиллаж байгаа юм. Архангай аймгийн Тариат сумын нутаг Цэцэрлэг-Тосонцэнгэл чиглэлийн улсын чанартай автозамд байрлах Тэрхийн голын гүүр эвдэрч, зорчигчид гарч чадахгүй нөхцөл байдал үүссэн. Нөхцөл байдалтай уялдуулан манай Зэвсэгт хүчний дайчид Тэрхийн голын гүүрэнд түр гүүр байрлуулж, зорчигчдод туслах болсон. Тодруулбал, өнгөрсөн долдугаар сарын 6-наас эхлэн өнөөдрийг хүртэл цэргийн алба хаагчид тээвэрчин, зорчигчдын аюулгүй зорчиход тусалсаар байна. Зэвсэгт хүчний байрлуулсан түр гүүрээр одоогийн байдлаар 20 мянга гаруй зорчигч нэвтрэхэд туслалцаа үзүүлсэн байна. Аялал жуулчлалын улиралтай холбогдуулан зорчигчид их байгаа бөгөөд долоо хоногт дунджаар 3000 гаруй хүн гүүрээр нэвтэрдэг байна. Зэвсэгт хүчний 234 дүгээр ангийн дайчид түр гүүрэн дээр ажиллаж байгаа юм.
-
2016 оны 8 сарын 04
Монгол улсад 2016 оны эхний хагас жилд бүртгэгдсэн зам тээврийн ослын шалтгаан нөхцлөөс харахад Зам тээврийн ослын улмаас амь насаа алдсан, эрүүл мэндээрээ хохирсон жолооч, тээврийн хэрэгслээр зорчигчдын 19.8 хувь нь хамгаалах бүс хэрэглэсэн, 63.0 хувь нь хамгаалах бүс хэрэглээгүй байсан бол 17.2 хувь нь хамгаалах бүс хэрэглэсэн эсэх нь тогтоогдоогүй үзүүлэлт гарсан нь хамгаалах бүсний хэрэглээ маш хангалтгүй, энэ зөрчилд хяналт суларсантай холбоотой учир хамгаалах бүсний хяналтыг чангатгах хэрэгтэй байна. Хамгаалах бүсний хэрэглээ нь сүүлийн жилд багассан нь осолд орсон хүмүүсийн хамгаалах бүс хэрэглэсэн үзүүлэлтээс харагдаж байна. Хамгаалах бүсийг хэрэглэсэнээр жолооч болон тээврийн хэрэгсэлээр зорчигчид осолд өртөх тохиолдолд автомашины урд сууж явсан зорчигчийг 40-50 хувиар, ард суусан зорчигчийг 25-75 хувиар осол гэмтэл, эрсдлээс бүрэн хамгаалдаг.
Орон нутгийн замд 17 хүүхэд ослын улмаас амь насаа алдсан нь хамгаалах бүс, хамгаалалтын суудал манай улсад хэрэглэж хэвшээгүйтэй холбоотой, хүүхдийн зориулалтын суудал хэрэглэж хэвшсэнээр нярай хүүхдийг зам тээврийн осол гэмтлээс 70 хүртэл хувиар, бага болон өсвөр насны хүүхдийг 54-80 хүртэл хувиар бууруулах магадлалтай байдаг.
Иймээс Замын цагдаагийн газраас 2016 оны 07 дугаар сарын 25-ны өдрөөс 08 дугаар сарын 25-ны өдрийн хооронд улсын хэмжээнд ”ХАМГААЛАХ БҮС, ХАМГААЛАЛТЫН СУУДАЛ” нэгдсэн арга хэмжээг ”ХАМГААЛАХ БҮС ХАМГААЛАГДСАН АМЬДРАЛ” уриан дор зохион байгуулж байна.
Тус арга хэмжээний хүрээнд тээврийн хэрэгсэл дотор хүүхдийг зориулалтын суудалд, хамгаалах бүс бүслүүлэхгүйгээр эрсдэлтэй орчинд тээвэрлэж яваа жолооч нарт хариуцлага тооцон ажиллахаар төлөвлөөд байна.
-
2016 оны 8 сарын 04
Зүүн хойд Азийн хотуудын дарга нарын форумын хүрээнд Их эзэн Чингис хааны нэрэжмит талбайд “Хотын ногоон шийдлүүд-2016” үзэсгэлэн нээлтээ хийлээ. Энэхүү үзэсгэлэнг НИТХ-ын дарга Ц.Сандуй нээж үг хэллээ. Түүний үгийг бүрэн эхээр нь хүргэж байна
-
2016 оны 8 сарын 04
Засгийн газрын өчигдрийн хуралдаанаар нийслэлийн Засаг даргын бүтцийг баталсан. Нийслэлийн Засаг дарга С.Батболд хоёр орлогч даргатай ажиллахаар болсон.
-
2016 оны 8 сарын 04
“Зүүн хойд Азийн хотуудын дарга нарын форум “Хотын ногоон өсөлт-Эрчим хүчний ногоон шийдлүүд” сэдвийн хүрээнд Улаанбаатар хотноо 3 дахь жилдээ болж байна. Форумын хүрээнд өнөөдөр Их эзэн Чингис хааны нэрэмжит талбайд “Хотын ногоон шийдлүүд-2016” үзэсгэлэн нээлтээ хийлээ.
Үзэсгэлэнд үндэсний 48 аж ахуйн нэгж оролцон Эко эрчим хүч, Эко цахилгаан дулаан, Эко тээвэр, Эко үйлдвэрлэл зэрэг сэдвээр бүтээгдэхүүн шийдлээ танилцуулж байна. Үзэсгэлэнгийн нээлтийн ажиллагааны үеэр Азийн сангийн Байгаль орчны хөтөлбөрийн захирал Ким Де Ридер хэлсэн үгэндээ “Улаанбаатар хотод Зүүн хойд Азийн хотуудын дарга нарын форумыг 3 дахь жилдээ хамтран зохион байгуулж байгаадаа баяртай байна. Урьд жилүүдийн форумаар хотын ногоон хөгжил, өсөлтийн талаар хотууд санал солилцож туршлага хуваалцаж байсан бол энэ жил ”Хотын ногоон хөгжил-Эрчим хүчний ногоон шийдлүүд” сэдвээр зохион байгуулах гэж байна. Энэ форум нь бүс нутгийн ногоон хөгжлийн асуудлыг шийдэхэд чухал нөлөө үзүүлэх төдийгүй дэлхийн уур амьсгалын өөрчлөлтиийн эсрэг дуу хоолойгоо нэтгэж, эх дэлхийгээ аврах үйлсэд хувь нэмрээ оруулж буй хэрэг юм” гэж онцоллоо. Зүүн хойд Азийн хотуудын дарга нарын форум маргааш 09:00 цагт Туушин зочид буудлын Соёмбо танхимд эхэлнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 03
“Хүн, мал амьтны гоц халдварт өвчин, тарваган тахал өвчнөөс урьдчилан сэргийлэх ажлыг эрчимжүүлэх тухай” Нийслэлийн Засаг дарга долдугаар сарын 28-ны өдөр А/594 дугаар захирамж гаргасан.
-
2016 оны 8 сарын 03
Өнөө маргаашдаа Хангай Хөвсгөлийн уулархаг нутгаар усархаг аадар бороо орж, говь талын нутгаар аагим халуун байхыг УЦУОШГ-аас анхаарууллаа.
-
2016 оны 8 сарын 03
Долоодугаар сарын 28-ны өдрөөс хойш Монгол орны нийт нутгаар хэт халуун өдрүүд үргэлжилж байна. Энэ зуны агаарын дундаж температур олон жилийн дунджаас 2.1 хэмээр дулаан байгаа аж.
-
2016 оны 8 сарын 03
Монгол, БНХАУ, ОХУ-ын Засгийн газар хоорондын хэлэлцээр байгуулах ажлын хүрээнд БНХАУ-ын Тяньжинь боомт, Монголын Улаанбаатар, ОХУ-ын Улаан Үд хотын чиглэлд олон улсын ачаа тээврийг наймдугаар сарын 13-наас 25-ны өдрүүдэд туршилтаар тээвэрлэж эхлэхээр болжээ.
-
2016 оны 8 сарын 03
Гадаад харилцааны сайд Ц.Мөнх-Оргил Япон Улсын алдарт дуучин, зураач Яширо Аки болон алдарт зураач Шингэцү Шикандай нарыг Монгол Улсын Соёлын элчээр томилж, гэрчилгээг гардуулав. Гэрчилгээ гардуулах ёслолын ажиллагаанд Монгол Улсаас Япон Улсад суугаа Онц бөгөөд бүрэн эрхт Элчин сайд С.Хүрэлбаатар оролцлоо.
-
2016 оны 8 сарын 03
Нийслэлийн ИТХ-ын дарга Ц.Сандуй Нийтийн тээврийн “BRT төсөл”-ийн Манила дах төслийн багийн ахлагч Ким Кижүнийг хүлээн авч уулзлаа. Уулзалтаар Улаанбаатар хотын нийтийн тээврийн үйлчилгээнд нэвтрүүлэх тусгай замын автобус буюу”BRT төсөл”-ийн талаар санал солилцлоо. Төслийн багийн ахлагч Ким Кижүн, Нийслэлийн Засаг даргын Тамгын газар, Зам тээвэр, барилга, хот байгуулалтын яам хамтран 2009 оноос тусгай замын автобусны үйлчилгээг нэвтрүүлэх төсөл хэрэгжүүлэхээр Азийн хөгжлийн банктай зөвшилцөж, судалгааг эхлүүлсэн. Долоон жилийн хугацаа өнгөрсөн ч бүтээн байгуулалтын ажлаа эхлэж чадаагүй байна. Тиймээс төслийг цаашид богино хугацаанд хэрэгжүүлж дуусгах тал дээр дэмжлэг үзүүлж, хамтран ажиллахыг хүслээ.
НИТХ-ын дарга Ц.Сандуй “Дэлхийн томоохон хотуудад замын хөдөлгөөний түгжрэл, нийтийн тээврийн асуудал тулгамдсан асуудлын нэг байдаг. Гэхдээ тусгай замын автобусыг үйлчилгээнд нэвтрүүлснээр асуудлаа бүрэн шийдэж байгаа гэсэн мэдээлэлтэй байна. Тиймээс нийтийн тээвэрт дэвшил авчрах төслийг үргэлжлүүлэх бодолтой байна. Юуны түрүүнд төлөвлөлт, судалгааг эргэн харж, ажлын хэсгийн хүрээнд ярилцан тохиролцох хэрэгтэй” гэлээ.
Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлагын баримт бичигт тусгагдсаны дагуу зорчигчийн урсгал ихтэй тэнхлэг замуудаар нийтийн тээврийн багтаамж ихтэй тээврийн төрөл нэвтрүүлэхдээ эдийн засгийн боломж, зорчигч урсгалын байдлыг харгалзан эхний ээлжинд тусгай замын автобусны үйлчилгээг нэвтрүүлэхээр төлөвлөсөн. Тусгай замын гэгдэх нийтийн тээврийн багтаамж ихтэй төрөл нь авто замын 2-4 дэх эгнээг тусгаарлан зөвхөн нийтийн тээврийн хэрэгслийг явуулахаар байгуулдаг онцлогтой, нэг чиглэлд 8000-25000 зорчигч/цаг тээвэрлэх хүчин чадалтай юм. Төслийн хүрээнд Азийн хөгжлийн банкнаас нийтдээ 215.9 сая ам.доллар, Дэлхийн байгаль орчны байгууллагын буцалтгүй тусламжаар 1.5 сая ам.доллар, Засгийн газраас 57 сая ам.долларын хөрөнгө оруулалтыг гурван үе шаттай хийхээс эхний ээлжийн санхүүжилтийн ерөнхий хэлэлцээрийг Монгол Улсын Их Хурлын 2015 оны 4 дүгээр сарын 30-ны нэгдсэн чуулганаар хэлэлцэн баталжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 03
Ирэх даваа гараг буюу 8-р сарын 8-ны 06.00 цагаас 8-р сарын 14-ний өдөр хүртэл Сүхбаатар аймгийн Баруун-Урт сумын хэмжээнд цахилгааны хязгаарлалт хийхээр болжээ.
-
2016 оны 8 сарын 03
Зуны улиралд нарны хүчтэй тусгал их байгаа үед буюу хэт халуун бөгчим өдрүүдэд нарнаас хамгаалах малгай, шүхэр хэрэглэлгүй удаан хугацаагаар гадаа байснаас бие хямарч, хордлогын шинж тэмдэг илэрдэг. Иймд зуны халуун улиралд наршилтаас сэргийлэх хэрэгтэй.
Урьдчилан сэргийлэлт:
-Онцын ажилгүй бол гадуур явахгүй байх /наранд аль болох бага явах/
-Нарны нүдний шил, малгай зэргийг тогтмол хэрэглэх.
-Гар, хөл, хүзүү зэргээ наранд ил гаргах хэрэггүй. Учир нь зөвхөн толгойноосоо халснаар наршдаггүй. Нарны тусгалыг шууд хүлээж авч байгаа биеийн бусад хэсгүүдээр ч наршиж болно. Тиймээс хэт халуунд майк, богино ханцуйтай цамц өмсөх биш урт ханцуйтай нимгэн цамц өмсөх
-Наранд удаан хугацаанд байх шаардлага гарвал аль болох битүү хувцас өмсөөд толгойгоо ойр ойрхон норгох юм уу нойтон алчуур, малгай хэрэглэх
-Нярай хүүхдийг гадаа байлгахдаа сүүдрэвчинд мөн чийглэг сэрүүн нөхцөл бүрдүүлэх
-Элсэн шарлага, массаж хийхдээ хэт халах үеийн нарнаас өмнө /9.00-11.00 цаг/, нойтон малгайтай байлгах /үдээс хойш 16.00 цагаас хойш/
-Шингэнийг аль болох олон хэлбэрээр /буцалсан, ширгээсэн ус, хөргөсөн цай, жимсний шүүс, хярам/ ойр ойрхон уулгах
-Хэт хөлдөөсөн зайрмаг, мөс тэс хүйтэн усыг уух нь хоолой өвдөх нөхцөл бүрдүүлдэг тул эцэг, эхчүүд анхаарах
Илрэх шинж тэмдэг:
-Нууц үе 30 минутаас 18 цаг
-Дотор бачуурч нозоорох
-Огидос хүрэх, бөөлжих
-Суулгах,
-Бага зэрэг халуурах
-Ходоод, гэдэсний хэвийн ажиллагаа хямардаг.
-Нүд харанхуйлж, манарах
Авах арга хэмжээ:
-Дээрх шинж тэмдэг илэрвэл эмчид яаралтай хандаж үзүүлж, зөвлөгөө авах
-Буцалсан усыг хөргөөж задгай саванд хийж наранд халаагаад уг усаа уух буюу толгой биеийг угааж шавших
-Зөв тохирсон шингэнийг насны онцлогт тохируулан аль болох ойрхон олон удаа хэрэглэх
-Нарнаас хамгаалж гэртээ чийгтэй сэрүүн орчныг бүрдүүлэх.
-Мөн хүйтэн жин тавьж халуунаа бууруулаарай /толгой, шилэн хүзүү г.м/
-Хоол унд хорихгүй учраас шим тэжээлтэй хоол идэх нь зүйтэй.
Хэн үүнд өртөх вэ?
-Бүх насны хүмүүс өртөх боломжтой
-Бага насны хүүхэд, артерийн даралт ихэсдэг, зүрх судасны эмгэгтэй болон хууч өвчтэй, өндөр настай хүмүүс илүү өртөх эрсдэлтэй.
-
2016 оны 8 сарын 03
Баян-Өлгий аймагт ноцтой осол гарч арваад хүн эндсэн талаар харамсалтай мэдээллийг бид хүргэсэн. Тэгвэл ослын улмаас долоон хүн амиа алдсан болохыг холбогдох байгууллагууд мэдээллээ. 50 тонн цемент ачсан ачааны машин айлын хашаа болон дэлгүүр мөргөж онхолдсон байна. Үүний улмаас долоон хүн амиа алджээ. Энэхүү аймшигт осолтой холбоотой мэдээллийн мөрөөр бэлтгэсэн Тодруулгыг хүргэе.
Замын цагдаагийн газарт наймдугаар сарын эхний өдөр буюу 1-нд нийт 280 дуудлага, мэдээ мэдээлэл иржээ. Үүнээс зам тээврийн ослын 190 дуудлага бүртгэгдсэн байна. Энэ өдөр зам тээврийн осолд сургуулийн насны гурван хүүхэд өртжээ. “Баян- Өлгий аймгийн Өлгий сумын “Тасбан” ШТС-ын баруун замд “Ногб Вепг” маркийн авто машины жолооч А нь айлын хашаа, гэр, дэлгүүр мөргөж осолдсоноос долоон хүн амиа алдаад байна. Тухайн үед дээрх жолооч Ховд аймгаас ачаа ачиж Өлгийд иржээ. Ингэж явах замдаа айлын хашаа мөргөснөөр ноцтой осол гаргасан байна. Ослын улмаас хажуугаар нь явж байсан 42 настай эмэггэй Ц, 19 настай эрэгтэй Б, дэлгүүрийн худалдагч 15 настай эмэгтэй А, оршин суугч 46 настай эмэгтэй Т, жолооч А болон зорчигч 29 настай эмэгтэй 3 амиа алджээ. Мөн тус жолоочийн хүү болох гурван настай М амиа алдсан байна” гэсэн мэдээлэл иржээ.
Ноцтой ослоос зургаан настай охин амьд үлджээ
Ачааны машины жолооч А эхнэр, хоёр хүүхдийн хамт явсан бөгөөд ослын улмаас жолооч, эхнэр болон бага хүүгийн хамт эндсэн байна. Тус ослоос амьд үлдсэн зургаан настай охин жолоочийн охин бололтой. Зургаан настай охин М хүнд гэмтэл авсан учраас яаралтай эмнэлэгт хүргэгджээ. Аймгийн онцгой байдлын газар 37 албан хаагч, гурван автомашин болон цагдаагийн 55 албан хаагч, таван автомашин сумын Гамшгаас хамгаалах мэргэжлийн ангийн 30 албан хаагч, таван хүнд даацын техник, нийт 122 хүн, 13 техник хэрэгсэлтэйгээр ажилласан гэх мэдээлэл байна.
Тус жолооч Булган сумын Ярантын боомтоос 50 тонн цемент ачиж, Өлгий сум руу орохдоо Шар нуурын хөтлөөс уруудан Шар нуурын постоор гарчээ. Энэ явцад ачааны машины тоормос нь ажиллагаагүй болсон байж магадгүй аж. Учир нь тус постоор гарахдаа дуут дохиогоо хангинуулсаар гарчээ. Улмаар машинаа зогсоож чадалгүй дэлгүүр мөргөж, цаашлаад айлын хашааг мөргөж онхолдсон бололтой.
IMG_0247Осол орон нутгийн цагаар 14.40 минутад болжээ
Баян-Өлгий аймгийн Онцгой.байдлын газрын дарга С.Пүрэвсамдангаас ослын талаар тодрууллаа.
Осол хэдийд болсон бэ?
-Наймдугаар сарын 1-нд орон нутгийн цагаар 14:41-т аймгийн Онцгой байдлын газарт дуудлага ирсэн. 14:44 цагт аврагчдын эхний ээлж ослын газар хүрч очсон. Нөхцөл байдпын хувьд ачааны машин хажуу тийш онхолдсон байсан.Тээвэрлэж явсан их хэмжээний цемент задарч асгарсан, эвдэрч сүйдсэн байдалтай нөхцөл байдал угтсан.
Долоон хүн амь эрсдсэн гэсэн. Нурангид дарагдсан хэрэг үү?
-Ачааны машинд дайруулсан, дарагдсан, нурангид дарагдсан байдалтайгаар долоон хүн газар дээрзэ амиа алдсан.
Нэг хүүхэд энэ аймшигт ослоос амьд гарсан гэсэн мэдээлэл байна?
Тэгсэн. Зургаан настай охин ослоос амьд гарсан байгаа.
Осол болох үед хаана байсан юм бол?
Сайн хэлж мэдэхгүй байна. Намайг ослын газарт очиход тэр хавийн оршин суугчид охиныг таксигаар эмнэлэгт хүргэхээр аваад явсан байсан.
Охины биеийн байдал хэр байгаа вэ?
-Би таны асуултад хариулт өгч чадахгүй нь. Охин гэмтэж, бэртсэн. Тиймээс Улаанбаатар хот руу онгоцоор эмнэлэгт хүргүүлээд байна. Яг одоогоор биеийн байдал нь ямар байгааг мэдэхгүй байна.
-Өөр бэртэж гэмтсэн хүн бий юу?
Охиноос өөр бэртсэн хүн байхгүй.
-Амьд үлдсэн охиныг ачааны машины жолоочийн хүүхэд гээд байгаа?
Ослын улмаас эндсэн болон бэртсэн хүүхдийг хэн болох, таних ажиллагааг цагдаагийн байгууллага тогтооно.
-Осолд хичнээн айлын хашаа өртсөн бэ?
-Нэг хашаа, дэлгүүр өртсөн. Нэг айлын хашаа гэж ойлгож болно. Аймгийн хэмжээнд онцгой байдал зарлаж наймдугаар сарын 1-ний 23:00 цаг хүртэл аврах ажиллагаа явуулсан. Хоёр ч газар хүн дарагдсан байж магадгүй байсан учраас нурангид аврах ажиллагаа явуулсан. Ингээд ослын газар бүрэн нэгжлэг хийж дуургаад үзэгдэх орчин хязгаарлагдмап болж харанхуй болох үед аврах ажилпагааг зогсоосон. Өчигдөр өглөө07:00 цагтаврах ажиллагааг үргэлжлүүлж, осол болсон талбайг бүрэн цэвэрлээд байна.
-Тухайн үед ачааны машин 50 тонн цемент ачиж явсан, тэр нь үерийн улмаас орон гэргүй болсон иргэдэд байшин барихад ашиглагдах байжээ гэсэн мэдээлэл бий. Үнэн үү?
-Ямар учраас ямар ачаа тэвээрлэж явсныг онцгой байдлын газар мэдэхгүй. Цагдаагийн байгууллага шалгаад ослын шалтгаан болоод холбогдох дэл гэрэнгүй мэдээлпийг өгөх болов уу.
-Үерийн улмаас орон гэргүй болсон иргэдэд тусалж, дэмжих тал дээр танай зүгээс ямар ажил зохион байгуулж байна вэ?
-Долдугаар сарын 10-нд Баян-Өлгий аймагт үер, усны гамшиг нүүрлэж олон зуун хүн орох оронгүй болсон. Үерт нэрвэгдсэн бүст сэргээн босголтын ажил өрнөж байна. Миний хувьд ажлаа хүлээж аваад долоо хонож байна. Тиймээс цаашид үерт нэрвэгдсэн иргэдийн төлөө аймагтайгаа хамтарч ажиллахад бэлэн байна.
-
2016 оны 8 сарын 03
Золгүй байдлаар усанд осолдож амиа алдах хэрэг гарсаар байна. Хэнтий аймгийн Норовлин сумын Онон багийн Гурван ёл гэдэг газарт орших Онон голд Дорнод аймгийн “Айсвн” ХХК-ийн ажилчид зугаалгаар явж байгаад иргэн Б /48 настай, эрэгтэй/ усанд орж алга болсон гэсэн дуудлага тус аймгийн Онцгой байдлын газарт иржээ.
-
2016 оны 8 сарын 03
Өчигдөр буюу энэ сарын 2-ны өдөр Улаанбаатар хотын Замын цагдаагийн газрын ЖШУХ дээр нийт 272 дуудлага, мэдээ мэдээлэл хүлээн авснаас зам тээврийн ослын 193 дуудлага бүртгэгдсэн байна.
