Монгол Улсад мэргэжлийн хөгжмийн багш бэлтгэж эхэлсний 50 жилийн ой энэ онд тохиож байна. Ойн хүрээнд эрдэм шинжилгээний бага хурал болон бүх оддын хүндэтгэлийн тоглолтыг хийх аж. Эрдэм шинжилгээний бага хурал энэ сарын 11-нд 13.00 цагт СУИС-ын  Соёл боловсролын Сургууль дээр болно.  Харин бүх оддын тоглолт энэ сарын 11-нд Бөхийн Өргөөнд 19:00 цагт болох аж. Тоглолтод Төрийн шагналт, Ардын жүжигчин  Н.Жанцанноров, Б.Шарав, Х.Билэгжаргал, Ц.Нацагдорж, Ц.Чинзориг, УГЗ, Ч.Сангидорж, З.Батсүх, Б.Бямбабаяр, Т.Сэр-Од,  Д. Цэцэрлэг нараас эхлэн Монголын үе үеийн шилдэг  авьяаслаг хөгжмийн зохиолчдийн  уран бүтээлийн  дээжээс ая дуугаа өргөх юм байна. Энэхүү тоглолтод Улсын филармони, симфони найрал хөгжмийн хамтлаг “Voice” групп, Төрийн соёрхолт Д.Сосорбарам, МУГЖ, Ц.Түвшинтөгс, Г.Эрдэнэбат, С.Жавхлан, Д.Ширмэнтуяа, Х.Болормаа, СТА, Г.Эрдэнэтунгалаг, Н.Баасандорж, Л.Банзрагч, Д.Хишигбаяр, Р.Дэлгэрмаа, Г.Чинболор, Э.Оюумаа, Дуучин СТА Э.Гантулга, Л.Байзда, “Цэцэг” хамтлагийн Ч.Батболд, “Нисванис”,  “Anemone”  хамтлаг оролцоно.