ЭШЛЭЛ 1
Би 80 хүнийг хоморголж энд оруулж ирсэн гэдэг зүйл анхнаасаа буруу байсан. Энийг хийсэн улаан хувьсгалч залуучууд хожим бас тодрох байх, тэд нар бас хариуцлага хүлээх байх. Хоморголж оруулна гэдэг бол хоморголж хэлмэгдүүлэх ийм эхлэлийг тавьдаг энэ хэрэг. Нотлох баримтуудыг ярьсны үр дүнд 40 гаруй хүн цагаадсан.
ЭШЛЭЛ 2
Улаан хувьсгалч хэсэг залуучуудын санаачилгаар хийгдсэн ажил гэж би хэлье. Ер нь бол энэ бол улс төрийн хэрэг. Одоо Хөгжлийн банкныхан буугаад өгчихсөн явж л байна шүү дээ. Энэ олон хүнийг зүгээр энд суулгаж байгаа чинь л хэлмэгдүүлэлт биз дээ.
ЭШЛЭЛ 3
Би ямар ч гэмт хэрэг хийгээгүй. Манай шүүгчид энийг болбол нотолж өгсөн баярлалаа. Гэхдээ намайг хэрэг хийсэн гэж мөрдөгч прокурорууд баахан цаас үзэж байгаад баахан юм ярьж, шүүх рүү шидсэн. Хүн алдана аа, наана цаана болно. Харин та нарын ордоггүй салбар руу орчихоор толгой чинь эргэлгүй яах вэ? Дахиад энд буцаж орж ирчхээд хэлмэгдчихгүй байх гэж бодож байна.
ЭШЛЭЛ 4
Миний охин 12 дугаар анги сая төгссөн. Би гадаад явахгүй ээ, хуулийн ангид оръё гэж байна шүү дээ. Гэр бүлд ингэж нөлөөлж байна. Хулгайч нартай чинь аав аа би тэмцэнэ ээ гэсэн.
ЭШЛЭЛ 5
Тухайн үед УИХ дээр нэг Ардын намын 3 гишүүний бүрэн эрхийг түдгэлзүүлэх болж сандарч байхдаа хэн нэгнийг татаж оруулах шаардлага гарсан. Тэгээд тэрэнд Н.Алтанхуяг өртсөн, би хэлмэгдсэн.
ЭШЛЭЛ 6
Өнөөдөр би дахиж ирчхээд 2 дахь үгээ хэлж байгаа учраас эд мөрийн баримттай нь эзэнтэй чинь ярьж байна. Та нар Сайханбилэгээ авчирвал болчихно ямар ч асуудал байхгүй. Н.Алтанхуягт асуудал байхгүй шүү дээ.
ЭШЛЭЛ 7
Намайг энэ рүү чирч оруулсан, протоколыг худлаа үйлдсэн тэр н.Оюунболдод хариуцлага тооцох ёстой, шударга ёс тогтооно шүү. Монголд хууль гэж байдаг юм бол шударга ёс тогтоох ёстой.
ЭШЛЭЛ 8
ЗГ-ын тогтоолоор санхүүжүүлэхийг зөвшөөрсөн ч гэсэн Хөгжлийн банкны тухай хууль мөн зээлийн бодлого бусад дүрэм журамдаа нийцсэн бол төсөл хөтөлбөрийг санхүүжүүлэх ёстой. Энэ талаар Хөгжлийн банкны гүйцэтгэх удирдлагаар ажиллаж байсан хүмүүс нь ч тэр ЗГ-ын тэргүүнээр ажиллаж байсан хүмүүс нь ч энэ шүүхийн хэлэлцүүлэгт хангалттай тодорхой ярьсан.
ЭШЛЭЛ 9
Хүнийг айлгаж байгаад дарамталж байгаад хэн нэгэн буруутгах хүнийхээ нэрийг хэлүүлсэн. Хавтаст хэрэг дотор Н.Алтанхуягийн дарга С Ерөнхий сайд намайг загнаад, би тэр нэг банкны хүнийг загнаад явж байдаг тийм зүйл байхгүй. Би тэр банкны захирлыг чинь ч тавьдаггүй. Хариуцсан сайд нь оруулж ирээд л засгаасаа тавьдаг л юм.
ЭШЛЭЛ 10
Хэн, яаж ч доромжилж гутаасан нүдэнд чинь харагдаж, гарт чинь баригдах машины чинь дугуйн доор дуугарч байгаа зам бий. Цахилгаан станцууд байгаа. Тухайлбал, Амгалан цахилгаан станц байгаа, яривал дуусашгүй ЖДҮ-үүд байгаа. Монгол ардын зүйр цэцэн үг бий, үнэхээр шунал ихэдвэл шулам болдог юм байна лээ шүү .
ЭШЛЭЛ 11
Энэ сайхан эх оронд бид нар яагаад ингэж амьдраад байгаа юм бэ? Энд бид нарын үр хүүхдүүд үлдэнэ биз дээ. Жаахан шударга нийгмийг үлдчихмээр байна шүү дээ. Би тэрний төлөө л үгээ хэлдэг, тэмцдэг. Би тэрний төлөө намайг хэлмэгдүүлсэн ч би бууж өгдөггүй. Энэ өмнөх удирдлагууд намайг бол алсан, тэгэхдээ би үхээгүй.
ЭШЛЭЛ 12
Монгол Улс маань улс шиг хөгжөөд монголчууд бид нар бүгдээрээ нэг хүн шиг амьдрах юм сан л гэж боддог. Би тэр хүсэл мөрөөдлөөсөө ухраагүй байгаа. Би хийж бүтээх хүсэл эрмэлзэл дүүрэн байгаа. Би бас жаахан юм хийчихмээр байна энд бас хувь нэмрээ оруулчихмаар байна. Надад бас эрч хүч байна. Эрч хүчээ би хааяа ууланд явж шалгадаг юм байна лээ шүү. Тийм учраас шударга ёсны төлөө бүгдээрээ тэмцье. Үүний төлөө би өөрөө зүтгэнэ.
Сэтгэгдэл (17)