Долдугаар сарын 1-ний хэрэгт буруутгагдаад буй цагдаагийн экс дарга нарт өмгөөлөл үзүүлж байсан дөрвөн өмгөөлөгч өнгөрсөн сарын 28-нд болсон шүүх хурлын үеэр шүүгдэгчдээсээ өмгөөлөл үзүүлэхээс татгалзаж, шүүх хурлыг орхин гарсан.
    Долдугаар сарын 1-ний хэрэгт буруутгагдаад буй цагдаагийн экс дарга нарт өмгөөлөл үзүүлж байсан дөрвөн өмгөөлөгч өнгөрсөн сарын 28-нд болсон шүүх хурлын үеэр шүүгдэгчдээсээ өмгөөлөл үзүүлэхээс татгалзаж, шүүх хурлыг орхин гарсан. Үүнээс болж ЦЕГ-ын үүрэг гүйцэтгэгч асан, хошууч генерал Ч.Амарболдын өмгөөлөгч О.Алтангэрэлийг 14 хоног баривчлах шийдвэр гарч, хоёр хоногийн өмнө цагдан хорих 111 руу ачсан. Харин өнөөдөр 12.00 цагт Нийслэлийн цагдаагийн газрын Хэв журмын хэлтсийн дарга асан, цагдаагийн дэд хурандаа Г.Ганбаатарын өмгөөлөгч Т.Мөнхдэлгэрийг баривчилсан байна. Тэднийг нэг ижил шалтгаанаар буюу “Шүүх хурлын үеэр шүүхийг үл хүндэтгэн гарч явсан” хэмээн саатуулж байгаа юм.