Долдугаар сарын 1-ний хэрэгт буруутгагдаад буй цагдаагийн экс дарга нарт өмгөөлөл үзүүлж байсан дөрвөн өмгөөлөгч өнгөрсөн гуравдугаар сарын 28-нд болсон шүүх хурлын үеэр өмгөөлөл үзүүлэхээс татгалзаж, шүүх хурлыг орхин гарсан билээ. Уг үйлдлийн шүүхийн байгууллагаас хууль зөрчсөн, шүүхийг илтэд үл хүндэтгэсэн хэмээн ЦЕГ-ын үүрэг гүйцэтгэгч асан, хошууч генерал Ч.Амарболдын өмгөөлөгч О.Алтангэрэл, мөн Нийслэлийн цагдаагийн газрын Хэв журмын хэлтсийн дарга асан, цагдаагийн дэд хурандаа Г.Ганбаатарын өмгөөлөгч Т.Мөнхдэлгэр нарыг саатуулаад байгаа юм. Тиймээс уг асуудлаар Монголын өмгөөлөгчдийн холбооноос Засгийн газрын ордны зүүн талд Лобби төвд байрлах Улс төр мэдээллийн төвд 13.00 цагаас хурал хийхээр болсон байна. Б.Чимэг
