“Эрэл” компаниар овоглосон Б.Эрдэнэбат, Д.Сэргэлэн нарын гэрт амь насаа алдсан тухай 24tsag.mn бид мэдээлэхээс хэд хоногийн өмнө Филлипиний орон нутгийн телевизээр талийгаач Терриль Атиензагийн нөхөр, том охин хоёр гарч байсан билээ. Энэ видеог/энд дарж үзнэ үү/ бид дамжуулан хүргэж байсан. Тэгвэл уг видео бичлэгт гарсан зарим мэдээлэл тодорхойгүй байсныг дэлгэрүүлэн хүргэж байна.

       Атиензагийн нөхөр эхнэрийнхээ үхэлд ажил олгогч буюу гэрийн эздийг буруутгаж байгаагаа уг бичлэгт өгүүлжээ. Б.Эрдэнэбатын гэр бүл Атиензагийн үхлийн талаар “Үйлчлэгчийн өрөөний хаалгыг тогштол огт онгойлгоогүй. Тэр амиа хорлосон байх” гэж хэлсэн гэв. Мөн охин аав хоёр телевизэд өгсөн мэдээлэлдээ “Австрийн элчин талийгаачийг Филлипинд байхад нь 95000 песо /2000 ам.доллар/ төлье, Монголд очиж ажиллаач” гэж гуйсан гэлээ. Атиензагийн гэр бүл тухайн үед мөнгөгүй байсан учраас төлбөрийг шууд аваад, ямар ч бичиг баримт бүрдүүлэлгүй, хууль бусаар очиж ажилласан хэмээн тайлбар хийжээ.

      Талийгаачийн нөхөр болон охин нь болсон явдлыг яриад, ажил олгогчдыг яагаад сэжиглэж байгаагаа тайлбарлажээ. 24tsag.mn-ий анх мэдээлснээр Монгол улсын цагдаагийн газар гадны нөлөөгүй нас барсан хэмээн хэргийг хаасан. Мөн уг хэргийг хэргийг эрэн сурвалжлалгүй орхисон гэж гэрийнхэн нь үзэж байгаа. Учир нь цогцсыг Филлипинд хүргэхэд дотор эрхтнүүд нь байхгүй, зүрх нь хүртэл алга болчихсон байсныг хэллээ. Мөн гадны нөлөөгүй нас нөгчсөн гэсэн дүгнэлттэй ирсэн байтал түлэгдсэн, мэснээс шархалж шалбарсан ул мөр их байсан нь сэжигтэй санагдаж байгаа аж.