NBA-ын шилдэг зургаа дахь тоглогчийн шагналыг “Л.А.Лейкэрс” багт байхдаа хүртэж байсан Ламар Одомыг “Даллас Маверикс” баг солилцооны цонхоор өөрсдийн эгнээндээ нэгтгэсэн. Гэтэл нэг ч улирал тоглуулалгүй багаасаа хасах болсноо өчигдрийн тоглолтын дараа мэдэгдлээ.

   NBA-ын шилдэг зургаа дахь тоглогчийн шагналыг “Л.А.Лейкэрс” багт байхдаа хүртэж байсан Ламар Одомыг “Даллас Маверикс” баг солилцооны цонхоор өөрсдийн эгнээндээ нэгтгэсэн. Гэтэл нэг ч улирал тоглуулалгүй багаасаа хасах болсноо өчигдрийн тоглолтын дараа мэдэгдлээ. Өчигдөр Далласынхан залуу, хүчтэй бүрэлдэхүүнтэй “Мэмфис Гриззлис”-ийн эсрэг тоглосон бөгөөд эхний хагаст Одомын үзүүлсэн муу тоглолтоос энэхүү шийдвэр эхлэлтэй байв.   
    Тус тоглолтод Далласынхан хожигдсон бөгөөд тоглолтын дараа багийн эзэн Марк Кюбан Ламар Одомтой жич уулзсан юм. Харин энэ уулзалт эцэстээ хэрүүл болж, улмаар Одомыг багаасаа явуулах шийдвэр болон хувирчээ. Энэ тухай Кюбан хэлэхдээ “Би түүнийг зүгээр л бидэнтэй цуг ялалтын төлөө тэмүүлэхийг хүсч байна уу, үгүй юу л гэж асуусан. Харин тэр тийм биш бололтой” гэв. Ингэснээр чөлөөт тоглогч болсон Одомыг ямар баг өөрсдийн эгнээндээ нэгтгэх нь тун сонирхолтой. Магадгүй тэр өөрийн шийдвэрийг гаргаж “Хөгжлийн лиг” рүү ч явж магадгүй.